احلى حاجة

احلى حاجة انك تغيب فترة عن حاجة او حد و بعد كدة ترجع
الاشتغالة بقى انك تيجى تخش مكان و انت فاكره بيتك تلاقى فى وشك اربع يفط كدة خبط لزق
1
قول رايك بصراحة
دى اول نكتة تلاقيها لما تفتح صفحة المنتدى
طبعا نكتة لان معروف مصير اللى قال رايه بصراحة اتعمل فيه ايه و الادمن الله يبارك له عمل الواجب و زيادة و فعلا حرية التعبير مكفولة لكل مواطن فى المنتدى .... فى الكفولة طبعا
2
الاستاذ سامى زينال و مجدى البندراى بيرحبوا بيكم جدا
و دى طبعا نكتة زى العسل كمان لان الصغير قبل الكبير عارف ترحيب الادمن عامل ازاى
من اول لعب فى الرسايل و الباسوورد لغاية شيل و حط مواضيع و مشرفين و اضرب يا معلم
و اللى خايف ميحضرش و اختارو مدير جديد و ساعة الجد طلع ...... ادمن
3
كلنا اسرة واحدة
هو الحمد لله رب العالمين بانت قوى الاسرة الواحدة فى الفترة الاخيرة و الناس اللى عمالة تجرح فى ناس مش موجودة و عاملين فيها مصلحين اجتماعيين و قال ايه ناس اسلوبها مش راقى و يع جدا و هم اساسا سبب الحرايق اللى فى المنتدى و دايما السلام ختام
4
اهداء لكل من كمل السفلتة
و الكابتن عيسى عبد الله و الاستاذ هانى الشريف عادى ما الاتنين اصحاب و حبايب و خيرهم سابق
و طبعا الله يبارك له اللى نورنا و حكالنا القصة كلها و كله عارف مين اللى عمل و مين اللى قال انه عمل
دى حاجة حلوة خالص
و الله البليلة تكسب
و الله لولا انى صايم كنت عرفت ارد كويس بس حظكم بقى
سؤال خبيث
فين احمد زكريا و الملا و نسرين و احمد هاشم و زيكو و بسيونى ؟
واضح ان مش انا لوحدى اللى اتخنقت
ملحوظة : انا سمعت ان المنتدى ده اخره اسبوعين و بخ على كدة

انا مش هارد على الموضوع هنا لانى رديت عيه فى الترفيهى

Admin كتب:

عارف أحلى حاجة

أنك موجود معانا على المنتدى

ياريت تكمل معانا

ولو حضرتك عايز تسالنى أى سؤال

أنا تحت أمر حضرتك

مش هزعل والله

وأتكلم براحتك

وقول رأيك بصراحة

قال كدة يوم 14/10
و بعدين عمل لى حظر يوم 16 /10

بس مصدقه طبعا ده حبيبى و اكيد العيب فيا انا

Admin كتب:

دا أنت قلبك

أبيض قوى

و دى شهادة اعتز بيها خصوصا لما تكون منك يا احلى ادمن
مش حكاية انى لسه فاكر و لا حاجة
حكاية انى مينفعش انسى
و هناك فرق بين اللى انت دايما تفتكره و اللى مش ممكن تنساه