حسبى الله

حسبى الله ونعمة الوكيل




شيء مش ممكن مش معقول



شيء من أثره بقيت مسطول



دول ناس ياخواتى وللا وحوش



بتنهش في الغلابا والمساكين



أقول وأنا مالي وأعدي الأمور



ولحد امتى هعيش الخضوع



والله لأصرخ بين الأسود



وماهسكت تانى لو سكت أموت



ولو كلفني الصراخ حياتي



أهديها له مرتاح مبسوط



فضلت ماشى مطاطي راسي



وأقول للناس بكره أحلى



واليوم يعدى وييجى بكره



والظالم وصل لرقبتى ودبحنى



دمى اللى راح في لحظة ضعفي



قوى اللى باقى جوا عروقي



ظلمتني اناهرده وظلمك ساري



ع الظالم وع المظلوم



الظالم يا صاحبى هيطولك قبلى



يكويك بناره زى ماكوتنى



والمظلوم هيجيك معايا



تجمعنا قولة حسبي ربى



والجبار فعله أقوى



ودوق يا ظالم شر ماهتدوق



هي دموع الضعف سهلة



على قلوبكم يا بنى ادمين



حتى الذل ما بيرضيكم



إلا صحيح أصلى نسيت



نسيت إن الذل لعبتكم




نفاق ورياء وكلمتين حلوين




حاسب..............





ياللى ماهان عليك إخوانك



لا في الدم ولا في الدين



انزع توب امة محمد



واهجر عالم البني ادمين



وعلى إيه يا ظالم زى ما أنت



أنت فاكرهم هيستنوك






والحق صاحبه ملك الملوك






مش هتكون على مرة واحدة



بقولك ربك جبار عزيز



الجبار راح ينتقم منك





ياللا بقى انعم بعيشك



واستمتع بدم المظلوم



ومن اناهرده أنا مش هسكت



يا منافق يا رائى يا محروم



أنا مش زيك همي في حالي



أنا حالي من حال المساكين



أنا جاى وخالع توب السكوت



غذايا في دمعة وذل المظاليم



جيت على بابك مع الأقدار



ولما أتغذيت من أول يوم



سكوتي انكسر من النحيب








مانا ساكت ع الظلم يوم



وأنا وأنت والزمن قصير



مش هدعى عليك وأقول هتنول



بكره عذاب الرب الجبار



ده أنا هدعى وأسقيك النار



وهثور وهثور ليل ونهار



ومن اليوم.....



أنا وأنت في صراع طويل



إما ظالم أو مظلوم



والمظلوم يا صاحبى مش وحيد



ده في عناية ملك الملوك








سلام يا صاحبى ولينا معاد



تتحدانى واتحداك



الظلم سلاحك والحق يرعانى



وعلى الحق هعيش وأموت



وأنا وأنت والزمن قصير

وحسبى الله ونعمة الوكيل

منقول