لعبة تخنق

كل واحد بسأل سؤال محرج اي سؤال بخطر على بالك بشرط انه يكون محرج بتسأله للي وراك وهو مجبر يجاوب عليه واذا مجاوبش بنفرض عليه عقاب لازم ينفذه
ليه رايكم حلوة اللعبة ؟ لو حلوة يلا نلعبها.....
يلا انا هبدا والي ورايا بجاوب وبسأل

ايه رايك فى مشرفين المنتدى ؟

شاركوا معانا اللعبة مش حتبقى حلوة من غيركم
تعاطفك لوحده مش كفاية شارك و لو بسؤال تنح

مش كلهم كويسين(مش اخلاقيا لا حاشا لله بس مش ظهرين ممكن يكون علشان ظروفهم)
بس بصراحه فى ناس واضح نشاطهم جدا

اوكى يا كيكى بس انتى كدة جاوبتى السؤال طب فين سؤالك
كل واحد يخش يجاوب بعدين يسأل
انا مضطر دلوقتى اسال سؤال بدل كيكى

ايه اكتر موقف محرج قابلك و كنت فيه فى نص هدومك ؟

لما اصحابى عرفوا نى مش بعرف اطبخك

انتى برضو يا كيكى مسئلتيش تسمحلي انا اسئل مكانك

ايه اكتر موقف محرج حصلك وانت خارج مع البنت الى بتحبها؟

طبعا اسمح
طب انا اجاوب ازززاى
طب مش عندى اجابه
بس اسال اللى بعدى
امته كرهت نفسك اووووووووووى ؟

محصلتش عمرها الحمد لله بس انا اضايقت من نفسى لما حسيت انى قللت من اعتبارى شوية فى موقف كده بس كان اكيد غصب عنى المهم الى بعدى ايه اكتر حاجة شايفها وحشة فيا؟؟!!

انك مغرور فى نفسك
اللى بعدى
اكتر صفه شايفهاها حلوه فى نفسك ؟

اني بعرف اوقف نفسي عند حدها
واللي بعدي يستلم
ايه رايك في خناقات كيكي وتيتو وامينيم المستمره ؟

ظاهرة صحية وطبيعية ويارب يخليهم لينا ولبعض

انا بقي اسال امتي حسيت انك عاوز تعيط ومسكت نفسك؟؟؟ وليه؟؟؟؟

ههههههههه
انا البكاء بالنسبه ليا مش حكايه حلو بس بحس برتياح شديد لما ببكى
ومره اتخنقت او شديت فى الكلام مع حد جامد
وكان نفسى ابكى
بس مسكت نفسى عشان مايفتكرش انه ضعف او هروب من الموقف وعشان ما اشوفش نظره شفقه على موقفى
اللى بعدى
ياترى ايه رايك فى اللى بيحصل فى غزه؟

حسبنا الله ونعم الوكيل فيهم

اكتر حاجه عاملتها وندمت عليها؟

السؤال ده ورايا ورايا
بس هى اكيد حاجه عملتها ولما عملتها ندمت عليها
هههههههههههههههههههههه
اللى بعدى
ياترى فى يوم حسيت انك جرحت حد عزيز عليك ياترى كان ليه ؟

علشان بحبه والى بعدى ايه اكتر حاجة شايفة حلوة فيا؟؟!

فيك انت
انك مش بتحب الكذب
اللى بعدى
ياترى نفسك تكون ايه ؟

اكون اول رابر يغنى راب فى حلوان والى بعدى ايه اكتر حاجة عملتها وحسيت انك غلطت فى حق نفسك فيها؟ وياريت الاجابة تكون واضحة

لما اجاباتك تكون واضحه نبئي احنا نجاوب اجابات واضحه
والحاجه هي اني مره اديت لنفسي اقل من قدرها في موقف كدا
واللي بعدي
(السؤال المكرر)
ايه اكتر حاجه شايفها وحشه فيا؟
اهو حتي الواحد يحاول يصلح من نفسه

بجد انتى مش فيك حاجه وحشه والله
بس اللى هقوله مش عارفه ان كان حلو ولا وحش
بس بحس انك لما بتحبى حاجه مش بتحاولى توصللها ممكن بسهوله تسيبيها اقصد مش بتتمسكى باللى بتحبيه او معندكيش اصرار
بس انتى فعلا انسانه جميله جداااااااااااااااااااااااااااااااا
وبجد مش مجامله
اللى بعده سؤاله
اهم صفه لازم تكون فى شريك او شريكه حياتك ؟

اهم صفه هي الصدق طبعا دا من غيرو تتهد الدنياااا
وعلي فكره يا كيكي انا مش معنديش اصرار
انا عندي اصرار في اي حاجه الا دي
لاني مينفعش افرض نفسي علي حد او حتي اخد حاجه بحبها بالتحايل
اكيد دا مش من حقي
واللي بعديي
^
^
^
^
^
^
^
عمااااااااله ادور علي سؤال رخممش لاقيه
اسالك ايه بس
اممممممممممممم
ايون لقيتها
ايه الحاجه اللي لو حصلت ممكن بجد تكسرك؟
جاااااااوب يا حلو

بصى سؤال صعب اوى ومش رخم ده زفت وطين
اكتر حاجة ممكن تكسرنى اوى اوى اوى ان حد من عيلتى يتوفى وخصوصا امى هموت فيها بجد

الى بعدى ايه اكتر حاجة ممكن تشد انتباهك لشخص تقابله لاول مرة؟

ههههههههههههههههه
كويس اني طلعت بعرف اجيب اساله رخمه والله
والحاجه اللي بتلفت انتباهي في اي حد اشوفه لاول مره
ودا سواء ولد او بنت
هي العيون والنظرات
مش غريبه اوي يعني ..عادي
^
^
سؤالي بئي
ايه هيا اكتر حاجه حلوه في حياتك
السؤال مش محرج انا عارفه
المره الجايه هبئي اجيب واحد محرج

اجمل حاجه فى حياتى انى افضل مع عئلتى للابد وهما يفضلو معايا
الى بعدى
لو أخدت حرية مطلقة , مطلقة تماما و محدش حيحاسبك على اللى تعمله هتعمل ايه ؟"
(طبعا الكل عارف ان ربنا شايفه ومش الناس الى هاتحسبه بس انا بقول لو ده حاصل هاتعمل ايه)

اولا انا الحمد لله واخد حريتى المطلقة ومفيش حاجة نفسى اعملها ومعلتهاش خااااااااااالص والحمد لله على النعمة دى
.
.
.
ايه الموقف الى ظلمت فيه نفسك علشان تسعد فى غيرك؟؟

وبعدين بئي في الاسئله دييييييي
علي فكره لما مثلا تتنازل اي حاجه علشان تسعد غيرك بيها دا ميبقاش ظلم لنفسك
مهو اكيد اللي اتنازلت علشانو دا حد بتحبو وتعزو جدا واللي يفرحو يفرحك
علشان كدا لما تسعدو تبئي بتسعد نفسك مش بتظلمها يا فالح
^
^
^
سؤااااااااالي بئي
ايه هيا اسوا عاده فيك؟
^
^
حلو السؤال دا

وبعدين بئي في الاسئله دييييييي
علي فكره لما مثلا تتنازل اي حاجه علشان تسعد غيرك بيها دا ميبقاش ظلم لنفسك
مهو اكيد اللي اتنازلت علشانو دا حد بتحبو وتعزو جدا واللي يفرحو يفرحك
علشان كدا لما تسعدو تبئي بتسعد نفسك مش بتظلمها يا فالح
^
^
^
سؤااااااااالي بئي
ايه هيا اسوا عاده فيك؟
^
^
حلو السؤال دا

ههههههههههه انتى على فكرة ماقولتيش الموقف يا دودة بس ما علينا انا اسوأ عادة فيا بس انا مبسوط بيها انى بحب اخد حقى ولو حتى بعد حين بس اخده وفى ناس قالت ان قلبى اسود وتفكير صهيونى بس انا برتاح لما اعمل كده
.
.
.
الى بعدى مين الى تختاره يعيش بدالك وانت تموت؟؟!

اكيد اكيد اكيد امي
الدنيا هتخسر كتييييييييييير لو جرالها حاجه لاقدر الله
انما انا جمبها ولا ليا لازمه
بس بصراحه بردو لو كان عندي اولاد كنت هختارهم هما
امااااااااال الضنا غالي
ههههههههههههههههه
^
^
سؤالي
ايه المشكله اللي لو اتحلت تبئي حياتك كويسه جدااااااااا

انا الحمد لله حياتى كويسة زى ما هى بس اكيد هتبقى احسن لو اتحسنت فى الناحية الدينية شوية عن كده

عمرك دمرت حياة حد سواء كانت العملية او الاجتماعية او العاطفية؟؟

مظنش بصراحه
انا بتفادي اني ااذي اي حد حتي لو غصب عني بكل الطرق
بس بردو الانسان خطااء
والله اعلم انا عملت ايه من غير ما اخد بالي
^
^
سؤالي
انت صريح مع نفسك..ولاااااا....؟

للاسف اه وده بيخلينى ساعات اعمل تصرفات مش مفهوم سببها
.
.
.
الى بعدى ايه رأيك فى الراب؟ سؤال عارف انه مش مهم بس ده مهم بالنسبة ليا علشان انا الى بمثله هنا

زفت
^
^
^
^
ايوا زفت
انت خنقتني منو علي فكره
وتالت مره زفففففففففت
^
^
^
سؤالي
ايه الموقف اللي حسيت فيه انك بطل او بطله
شفت نفسك حد كويس فعلا يعني؟

بصى هو من غير زكر تفاصيل منعت نفسى من حاجة بحبها اوى اوى فوق ما تتخيلى علشان اسيبها لاخويا واكيد حاجة غالية اوى يا دودة يعنى مكنش من الساهل انى اتخلى عنها لدرجة انى كنت بصلى و ادعى ربنا انه يوفقنى انى اعرف ابعد نفسى عن الحاجة دى ولما قدرت حسيت انى كويس اوى
.
.
الى بعدى ايه الحاجة الى لما عملتها حسيت انك ندمان مووووووووت ومكنتش المفروض تعمل كده؟

انتي طلعت جدعه مع ناس متستاهلش
.
.
يا ترا بتكون سعيد وانت بتضحي دا لو بتضحي يعني؟

هو نادر مش كتير يعنى
بس لما بيحصل اكيد
ياترى دموع الرجل فى نظرك ايه معناها ؟

معناها انه اكيد حزن اوى ومش سهلة انها تنزل وعلى فكرة سؤالك مش دقيق انهى دموع بالظبط؟؟؟ يعنى لو دموع من التقوى تعرفى ان الراجل ده بيحب ربنا وقوى اوى ولو دموع من موقف حصل لو الموقف سهل يبقى الراجل ده قلة ولو صعب اوى يبقى راجل حساس اما لو على الموت فده ملهوش تفسير غير انه اصيل.
.
.
.
الى بعدى مين الى تتمنى انه ميبقاش موجود فى حياتك؟

ولا حد
حتي الناس الوحشه بتدي الحياه شكل من اشكال الحركه
يعني عاوزاها زي ماهيا كدا
.
.
تقدر تقول علي نفسك انسان حساس؟

اه لاكن مابحبش ابين ده ابداااااااااااااااااااااااااااااااااااااااااااا

حكمه اتقالتلك ومش قادر تنساها ؟

ديل الكلب عمره ما يتعدل
.
.
ايه اكتر موقف كنت محرج فيه من نفسك؟؟

بص اكيد الواحد بيزعل من نفسه كتير
بس انى اتحرج من نفسى
لاسه ماحصلتش الحمد لله بس زعلت منها كتير



ياترى جمله الصراحه شئ والوقاحه شئ ايه ردك عليها ؟

بصى اهم حاجة ان الواحد يقول الصراحة ومن الاخر لو الصراحة ممكن تتقال بأسلوب وقح برده هتبقى احسن من الكدب
.
.
الى بعدى ايه الى بيخليك ترضى عن نفسك؟

اني اكون راضيه امي وعامله كل اللي عليا
من ناحيه الدراسه وربنا كمان
ساعتها مفيش حاجه ممكن تزعلني من نفسي او من اي حاجه تانيه
.
.
ايه اكبر مقلب اخدتو في حياتك؟
عايزه اجابه حلوووووووووه

ههههههههههههههههه مقلب!! والله عسل يا دودة بصى مش عارف بس انا مش فاكر مقالب اساسا
اتمنى حد يعرف يجاوب على السؤال ده المهم الى بعدى.
.
.
ايه اكتر موقف قلت فيه لنفسك يا جامد يا جامد!

ايه الغرور دا
هقول لنفسي كدا ليه يعني
.
.
عمرك مريت بقصه حب فاشله؟
سؤال محرج
هههههههههههههههههه

هههههههههههههههه ايه السؤال ده وقصدك ايه من فاشلة؟؟ من انهى ناحية يعنى مش فاهم سؤالك ياريت تكتبيه بتفصيل شوية
.
.
مين الى خانك؟؟

صديقه خانتنى بس خلاص اللى اهم من الخيانه المسامحه


ياترى رايك فى نفسك انك انسان قلب ولا انسان عقل اكثر ؟

اممممممم
سؤال صعب علي فكره
بس ممكن اقول اني عاده انسان قلب بس وقت الجد العقل بيطلع بئي
وعلي العموم مفيش مانع ان الانتين يكونو مع بعض
دول بيكملو بعض المفروض مش ضد بعض
.
ويا سي امينيم السؤال واضح
انت اللي بتتوه
بس علي كل حال براحتك
.
يا ترا خنت حد قبل كدا؟
حتي لو كان الحد دا نفسك؟

الحمد لله عمرى مخنت حد غير لو جت فرصه انى اخونه علشان مصلحتو او ببئى فاكر انو كده وفى الاخر بتيجى فيا والحمدلله !!!!!هههههههههههه دنيا

ايه اكتر سئل محرج اتسئلته فى حياتك؟(وياريت نص السئل لو سمح)

كان انت عندك كام سنة؟ فى بطولة كورة سن من 16 لى 17 سنة كان عندى 15
.
.
ايه اكتر شىء مادى بتحبه؟

مادي
مادي ازاي يعني
لو تقصد حاجه نقدر نلمسها يعني
تبئي الكتب
انا بعشقها بكل انواعها
ولو تقصد حاجه تانيه يبئي سوري
انت اللي مش موضح سؤالك
.
.
ايه هيا ابشع لحظه عشتها ومش ممكن تنساها؟