من فاتة الميرى اتمرمط فى ترابه مناقشة للشباب ؟

نسرين محمد كتب:

واحنا عارفين ان الوطن مسلوب وان الدنيا خربانة


]

وطن مين اللى مسلوب بس يا استاذة نسرين و انتى ما شاء الله نجحتى فى امانة المراة فى الحزب الوطنى ؟
انتى بتتكلمى على انهو وطن اللى مسلوب ؟
طب مين اللى سلبه ؟ الاعداء و المحتلين ؟ و لا الحزب ولا المعارضين ؟
هو ايه الموضوع اساسا عشان ارد عليه ؟
انا بادعى من ربنا من دلوقتى انى مدخلش الجيش و انتى لو تعرفى اللى بيحصل فى جيش خير اجناد الارض اللى بتقولو عليهم هتشيلو الموضوع ده اساسا من المنتدى
انتى فاكرة الجيش ايه ؟ الوطنية و الرجولة و التضحية و الفداء و الشرف و الجندية ؟
انسىىىىىىىىىىىىىىىىىىىىىى
الجيش مسخرة و قلة ادب و ناس بتدوس على ناس و ناس مطلعة عين ناس و كفاية كدة عشان الرقابة
اطلب من حضرتك بس تجربى تقفى ساعتين فى طابور عشان تجيبى بنص جنيه عيش او انك تركبى اتوبيس 14 اللى بيروح جنينة الحيوانات و الجامعة او انك تدرسى اللى تختاريه او تتجوزى اللى بتحبيه او تشربى مية النيل العظيم و تاكلى من خير مصر الملوث ساعتها بس هتحبى مصر قوى و تتمنى تموتى عشانها و ساعتها هتتمنى تموتى فعلا قبل ما تفكرى تبقى فى الجيش و تدافعى عن الوطن المسلوب و الدنيا الخربانة
و قبل ما امشى احب اسمع اغنية يبقه انت اكيد فى مصر

هو ده الكلام
على فكرة استاذة نسرين انا باحييكى على روحك الرياضية تقريبا انتى الوحيدة فى المنتدى اللى لما باقول راى مخالف ليها مش بتثور و لا بتتنرفز و لا بتغلط و لا تهاجم بل بالعكس بتسمع الراى الاخر و تقراه كويس و ترد عليه براى جميل جدا برضه
يا ريت كلنا نسمع بعض زيك
حب الجيش و كرهه يا استاذة نسرين يسبقه حب البلد
و حب البلد يسبقه يعنى ايه البلد ؟
الارض ولا الناس ولا الشرطة ولا المية الملوثة ولا الاكل المسمم ؟
حاجات كتيرة اغلبها مش مسؤليتنا و حتى اللى فى مسؤليتنا لو حاولنا نعمله قابلينى ورا الشمس

الله
اعتقد انى احسن واحد اتكلم عن الموضوع دة
انا لسه واخد اجازم من الجيش بعد 35يوم من الاهانه
انا كنت بقول قبل مخش زيك بظبط
بس الى شوفته غير كدة
والى عرفته قول يوم
اول درس اتعلمته فى مدرسه الرجوله ارمى كرمتك بره
اما يكون واحد بعداديه مبيفهمش يوعد يهين فينا ويشتم
هو دة الجيش
واما يكون واحد دبلوم صنايع عشان هو داخل قبلى بشهرين يتحكم فينا زى العبيد
هو دة الجيش
احنا فى الجيش عاملين زى المشايه الكل بيدوس علينا
35يوم متعلمتش اى حاجه حتى التنشين كان اى كلام
كل الى اتعلمتع عشان متتشتمش بيك او بئهلك لازم تتاطى
هو دة الجيش
اما يجرونا زى الحمير ويلبسونا هدوم يقرف الزبال انه يلبسها ويسموها ترنجات عشان نحضر المتشات الى بنشجع فيها بلاكراه
هو دة الجيش
كنا فى مرة فى استاد القاهرة ومنعو كل الناس انهم يعملو حمامات من الساعه9صباحا الى الساعه12 مسائا لدرجه ان احنا مهندسين وصيدله وخريجى اداب عملو حمام فى ازايز المياه بتعتنا
ياه فعلا الجيش بيعلمك الرجوله
الناس ياستاذة كانو بيبصو علينا فى الشارع بقرف
ولما واحد فينا حاول يسلم على ولد صغير ابوه قالو ابعد يبنى عن الزباله دى على الرغم ان الولد دة من المعادى
هو ده الجيش
مهانه
اسف على الاطاله
وشكرا
جندى مجند احمد هاشم

الله معاك وتعدي الخدمة بتاعتك ان شاء الله علي خير وحمدالله علي السلامة

وعبدالله اعد جانبي وبيسلم عليك

ورائيي ان الجيش صعب جدا بس يا تري مهانة اكثر من مهانة الرجال في فلسطين او العراق

وباقي دول المسلمين لو شفنا مهانة غيرنا تهون مهانتنا ولا ايه يا دفعة


والسلام ختام

اولا سلامى لى عبدالله
ويارب يدوم عى حفظ القران
طبعا الى فى العراق وفلسطين لا يقارن بجيش
بس انا كنت برد على الى بيقول انه واجب وطنى وانه بيخليك راجل
وشكرا