دليل هيئه النقل العام

اليومين دول كتر اوي موضوع التاكسي


والافترا بتاع السواقين

بس ضروري اننا نعرف ايه هي انواع التاكسي في مصر
او بمعني ادق

ايه هي انواع التوصيلات الخاصه والعامه

نبدا نشرح


1) اتوبيس هيئه النقل العام

وهي اتوبيسات كحيانه الناس بتبظ منها من كل فتحه في الاتوبيس ودي للناس الغلابه


2) اتوبيس هيئه النقل العام المميز

وهي اتوبيسلت كحيانه برضه وبرضه الناس بتبظ منها بس الفرق انها اعلي شويه وفيها ستاير

3) اتوبيسات هيئه النقل العام الام سي في

ودي اتوبيسات نضيفه جدا بس ماتلاقيهاش غير في وسط البلد والحتت النضيفه

4) الميني باصات

ودي نوعين قطاع عام : وده زباله وانصحك ماتركبوش

والقطاع الخاص: ودي كويسه بس برده انصحك ماتركبوش لان السواقين بتوعه مجانين

5) السي تي ايه

ودي انضف حاجه في اتوبيسات هيئه النقل العام مكيف وبتاع وسريع وجامد بس برده اصحك ماتركبوش

هاتقولي ليه هاقولك انه علي طول التكييف بايظ او السواق بيخنق علي الناس

--بالنسبه للتاكسي فهو برده اختراع فاشل لان دلوقتي لو حبيت تروح من مايو لحلوان يقولك 7 جنيه وهو المشوار مكلفوش جنيه ونص دا غير الاغاني الجميله اللي طبعا كلنا عارفينها وبنسمعها دايما في التاكسيات

من الاخر اشتري عربيه

او اقولك لا اياك تشتري عربيه هايتضحك عليك فيها وهاتطلع خربانه

ولو طلعت كويسه هايطلع عينك في تغيير الزيت وغلو البنزين

ولو جبتها جديده مش هاتقدر تدفع تمنها

ولو جبتها تقسيط البنك ها يظبطك في الفايده

اقولك اقعد في البيت احسن