انا والنجوم

انا والنجوم
مستمعونا الاعزاء
النهارده هنتتكلم عن موضوع مهم جدا وهو ازاى تلفت نظر اللى بنحبه عشان نعرفه اننا بنحبه من غير مايبان اننا بنحبه(والله انا مش فاهم حاجه) المهم دا موضوع طبعا وانا واثقه انه شاغل كتير من البنات والشباب وانا مستنيه ايميلاتكم واتصالتكم ....................
ومعانا اتصال ونقول الوووووووووووووووو
المتصله :ازيك يا kiki على فكره موضوع انهارده جامد يجنن وانا عندى مشاركه
Kiki: اتفضلى بس انتى موطيه صوتك ليه؟؟؟؟؟؟؟؟؟؟
المتصله:اصلى بتكلم من تحت السرير ما انتى عارفه بقى اننا مجتمع شرقى فيها ايه يعنى لما بنت تتكلم الساعه 1
باليل مش فاهمه ايه الراجعيه دى المهم خلينا فى موضوعنا انا يا kiki اسمى باكينام وبحب ولد زميلى فى الكليه وهو مش حاسس بيه ياترى اعمل ايه .؟
Kiki :بصى فى كذا طريقه اولها انك تيجى قدامه وتعملى انك اتحبطى فيه وتوقعى الكتب وهو اكيد هايلمهم معاكى تروحى ماسكه ايديه على انها الكتاب (قال يعنى ايده مالمسها ورقى) وتروحى مسبله بحنيه ورقه وقايله معاكش سيجاره فرط يازميلى ................. والمفروض لو هو انسان رومانسى هيفهم انك دايبه فيه
ولو ماجتش الطريقه دى
جربى دى ........ممكن تخليه ماشى فى الشارع وتسلطى واحده صاحبتك تعاكسه ولما هو يضايق قوى ويبقى خلاص هيعيط تدخلى وانتى تروحى ضاربه صاحبتك قلمين (هتدفعى تمنعهم طبعا بعد الفيلم ده )وتقوليله لامؤخذه يا كابتن اصل البنات مبقاش عندهم رحمه اليومين دول ومبقوش يفرقوا بين الولد المؤدب والولد اللى سيكوسيكو
وهو كده لازم يفهم واكيد هايخد رقم موبيلك وابقى احكيلى بقى على الباقى
ولو مانفعش معاه ولا حاجه من الكلام ده يبقى اتاكدى بقى من نفسك الاول .....................
اعزائى المستمعين فى انتظار ايملاتكم وترقبوا القادم

لالالالا معاكش سيجاره فرط


المفروض علبه
الموضوع حلو اوى
بس ياتراى جربتى الحلول ديه ولا بدبسى الناس
سيكوسيكو
ولاشكل موضيعك

لالالالا معاكش سيجاره فرط هو ده الحب بجد

المفروض علبه
الموضوع حلو اوى
بس ياتراى جربتى الحلول ديه ولا بدبسى الناس

ولاشكل موضيعك سيكوسيكو

لا لسه ماجربتش
بس ليه خلى الناس تجرب وتعيش المغامره

لا مؤاخذه يا كابتن اصل البنات مبقاش عندهم رحمه اليومين دول حلوه

الموضوع جامد بس البنت مش محتاجة تقول سيجارة فرط ولا حاجة هى بس تخبطه وهتلاقى الواد شغال على طول وموضوعك جامد يا كىكى