اخر احداث النشاط الثقافى

اكيد كلنا نعرف ايه هوا النشاط الثقافى ؟
لا ثوانى .. فى واحد هناك اهو بيقول ما يعرفش!!
طيب طيب زىىىىىىىىى بعضه هاعرفكم ايه هوا النشاط الثقافى .
النشاط الثفافى يا جماعة مش بس بيشمل المكتبة .. لا دا كمان بيشمل كل الانشطة اللى تندرج تحت مسمى انشطة ثقافية
تخيلوا معايا ان الندوات نشاط ثقافى .. والرسم كمان نشاط ثقافى وكمان المسرح نشاط ثقافى ..
طب على كده بقى هوا النشاط الثقافى نشاط مكرر ؟
ارد عليكم واقول لا ...
ليه بقى ؟
لانه الانشطة اللى بتتم تحت اشراف النشاط الثقافى ديه بيبقى ليها هدف اخر .. ممكن مسرحية مثلا تتعمل فى النشاط المسرحى يكون هدفها فكاهى او سياسى او اى هدف اخر
لكن دايما هدف الانشطة الثقافية بيكون هدف فكرى ثقافى ..بيخاطب واحد بيطلع وبيقرا
ثانيا لازم نعرف ان المسابقات اللى بتيجى على النشاط الثقافى زى المسابقات الفنية للكورال والموسيقى او المسرح
لازم تروح اختصاصاتها ويتم تنفذيها فى منطقتها يعنى فى النشاط الخاص بيها
وبعدين يقوم النشاط الثقافى بتجميعها وارسالها للجهة المسؤلة
اما عن مشرف النشاط الثقافى والجندى اللى مش بينتظر اجر عن تعبه ومجهوده واللى بيحب عمله بشكل رائع وده خلاه يفكر فى مهنة المشرف الثقافى بدون نظرة الموظف ( ذو الجريدة والبطيخة) فهو :
الكابتن / أحمد سعد أحمد
المكتبة دلوقتى يا جماعة بتستعد لدخول مسابقة تقييم على مستوى القاهرة لاختيار ترتيب مابين ال 10 الاوائل على مستوى القاهرة
وفى مجهود جبار حاليا بيتعمل فى النشاط الثقافى .. عاوز اقولكوا ان فى ناس مش بتنام بجد عشان تطلع شغل حلو
اتمنى موضوعى يكون افادكم
والى اللقاء فى موضوع اخر
تحياتى / احمد زكريا

شكرا ياحمادة على المعلومه
بس الناس كلها مش حاسه بلنشاط اوى
يترى له؟؟؟؟؟؟؟؟؟؟؟؟؟؟؟؟؟؟؟؟؟؟؟

ممكن يا هاشم علشان فى ناس مش بتهتم اوى بكلمة نشاط ثقافى او مش بيستهويهم
خصوصا فى الحر وانت فاهم بقى المكتبة بتبقى عاملة ازاى فى الصيف
الله يكون فى عوننا وعون الكابتن احمد سعد
والحقيقة برده هوا مانقدرش نقول ان الناس كلها مش حاسة بالنشاط
خصوصا ان فى مسابقات بتتعمل ياحمد فى حديقة العائلات وبتلم العائلات كلها حوالينا
وبتبقى روح جميلة اوى
والناس بتلمس دا بنفسها
بس الفكرة بتبقى ان النشاط اعماله كتير داخلية وخارجية وحصرها امر فى منتهى الصعوبة
شكرا يا هاشم لمرورك وردك

فعلا فى ناس لما تسمع كلمه ثقافى
مش بتحب تعرف كتير عن الموضوع ده ولكن اللى جوه النشاط هم اكتر ناس حاسه بكده وايه؟؟؟؟؟؟؟؟؟؟؟؟؟؟؟
وعلعموم موضوع جميل وياريت كل المواضيع تكون بنفس درحه الجمال

شكرا يا استاذة رحاب على مرورك