الدنيا ديه ... محطاااااااااات - زجل

الدنيا ديه محطات

الدنيا ديه محطات
مليانة بالقطارات
وسباق يهد الحيل
ويفرق الاخوات

الدنيا ديه محطات

لو درجة تانية تعيش
تعشق كلمة ...مافيش
وقفاك فى كف شويش !!
لطناشك الايجارات

الدنيا ديه محطات
لو درجة اولى تفوت
ويلازمك الجبروت
وتدوس على الهلفوت
ولد فقير شحاات !!

الدنيا ديه محطات
فى محطة تلقى الناس
بقلوب بلا احساس
والندل هو الآس
تتهزلة الشنبات

الدنيا ديه محطات
ومحطة تلقى عيون
من الجوع بكت بجنون
اه يافقر يا ملعون!!
ياعاشق الآهات

الدنيا ديه محطات

تحياتى / احمد زكريا

و محطة صعبة و ظلمة

و محطة صحبة و لمة

و محطااات فى الهلمة

و دنيا الاشتغالات

و محطة تنورك

و محطة تدمرك

و محطة تجرجرك

على بوكس و احترامات

ومحطة تلقى الملا
ومحطة راحت الغلة
اه .. من حرامى الحلة
يا مفرق العزومات

الدنيا ديه محطات

ومحطة تلقى الشلة
عاملالها سبعين عاملة
تسمع كلامهم ولا..
مالكش فى الحركات

الدنيا ديه محطات

ومحطة تلقى أحبه
ومحطة فيها الغمة
ومحطة غمز ولمز
وحبت دموع وأهات

يالة كفاية عليكم كدة عشان مش مرتبه

بس حلو الكوكتيل دة جميل يا زيكو بجد سلمت قلمك رائع

أنت الوحيد اللى مساعدنى فى الاشعار فى انتظار جديدك

جميلة كلماتك يا نسرين نورتى صفحتى بجد وانا اللى فى انتظار جديدك

ايوة يا أحمد كده والله حلو مش التانى اللى شفته بتاع أنا مش كومبارس المهم ان موضوعك ده جامد جدا مستنيينك بقى فى المزيد وورينا شغلك

شكرا بارو لمرورك

العفو يا زيكو ومستنيين منك الجديد والمريد أشجنا بكلمات من احساسك

جامد جامد جامد الاسترسال دا يا جماعة بجد هايلين
وفيه تناغم عالى بنكم
عاوزة كمان تسلمو

شكرا كتير يا فيفى لمرورك ياريت تقراى موضوع البليلة وتشاركى فيه
بصى هوا بعنوان علامة استفهام بس (؟) موجود فى المنتدى الترفيهى
على فكرة فى استرسال عالى جدا حاولى تشاركى معانا