*** أنا مش كومبارس !!!***

انا مش كومبارس ...
ولا احب الهجص...
لكنى بجد بحب يكونلى...
كيان فى الكون...
كده زى الشمس...

انا مش كومبارس...
انا مش عادى ..
انا زى نسيم الليل...
فى وقت ربيع ...
ويوم هادى...
ويحلى الهمس...
ايه؟
بتبصلى وتقول دا واد مغرور؟
وطايح فى العباد بالدور؟؟
وفاكر نفسه فى الدنيا بقى حاجة!!
بقى شمعة بتتباهى بشعاعين نور؟!
وهزم الفرس!
لا يا محترم ..
لما اترسم يوم مولدى
على جلدى لون .. بنى ادم
يوم ماتكتبلى اعيش بين العالم..
ولو بالهرس !!
ويوم ماكسرت مشايتى..
وقولت خلاص هاقوم واجرى...
وكل ضعيف ده فى حمايتى...
واتارى الضعف فى عيونى..
ماكنتش شايفه فى مرايتى...
ويومها مسكت كراسى...
وهاكتب ايه؟؟
انا ناسى !!

تحياتى / احمد زكريا