حلمي و حلمك

[size=18]اهلا يا جماعه ازيكم


بصو انا عاوزه اسالكم سؤال كدا خطر علي بالي بس بجد سؤال جميل
يعني انا عاوزه اعرف اجمل حلم في حياه كل واحد مننا
يعني انا مثلا حلمي انو ييجي يوم والاقي حاجه صغنونه وحلوه بتشد في هدومي وتقولي شيليني يا ماما
انتو بقي ايه احلي حلم في حياتكم؟؟

يا ريت كل واحد يدخل ويقول حلمه ولو مكسوف خلاص خليها علينا قول الستر
يلا وماله
المهم قولو حاجه

انا حلمى انى يبقى عندى نفس الحاجة الصغنونة الى تيجى وتطلع عينى و تكبر ادام عينى وكمان تكون حياتى ميسرة و اكون مرتاح البال واكبر حلم انى ادخل الجنة بس وياريت كل واحد يقول احلامه من غير كسوف دى امانى وادام حلال قولها و متخافش

واضح ان كرسبو فى حد بجد مطلع عينه فى حكايه الحلالا والحرام دى
المهم انا حلمى الاكبر بعد رضى ربنا
ان يكون بجد عندى بنوته جميله لانى بحب البنات جداااااااااااااااااااااااا
وكمان نفسى انجح فى حياتى وارضى اهلى واخليهم فخورين بيا
ونفسى بجد بجد
ان محدش يخونى تانى او تالت او رابع
اقصد ان محدش يخون حد اصلا من البدايه
وحلمى ان اصحابى يفضلوا جنبى احبهم ويحبونى ونخلص لبعض
ومانسبش بعض ابدا ونفضل كلنا سوا طول العمر ماهما حصل نساعد بعض فى امورنا
وكمان نفسى اكبر بسرعه وابقى اعلاميه كبيره جداااااااااااااااااااااااااااااا
وان الفرقه بتاعتى تكبر بيا او بغيرى بس تكبر
بس يارب الكويس يتحقق والوحش مش يتحقق

واضح ان حد معقد كىكى فى حكاية الثقة دى بس اكيد الناس لما بتخون حد فأكيد هو الى عمل كده فى نفسه يعنى مثلا لو انا عملت حاجة غلط مش شرط فى حق غيرك ممكن كمان فى حقك ربنا اكيد بيديكى قرصة ودن كده ادامها فكرى كويس فى موضوع الفرقة ده مش من المفروض يكون هدف دى حاجة بينعملها علشان نرضى رغابتنا مش علشان تبقى هدافنا علشان ربنا مش بيحب الى بيمثل او او او ممكن تعملى حاجة تفيدى بيها الى حوليكى وتفيدى بيها نفسك واكيد اى كانت هتكون اعظم من الفرقة والسلام ختام وياريت بلاش تردى رد طويل علشان اقدر اقرأه ههههههههههههه.

وكمان فى حاجة تانية صدقينى بجد انتى فيكى حاجات وعندك قدرات تعملى حاجات على الاقل عتد ربنا احسن من المتمثيل او اى شىء تبع الليلة دى وحتة الثقة دى هقولك على حاجة انتى اكيد خنتى حد ولو حتى كدبتى عليه ممكن تكوتى شايفة الكدبة قليلة بس ربنا ردهالك بعدين كبيرة علشان اكيد كدبتك او خيانتك بتاعت زمان كبرت مع الزمن داين تدان وربنا مش هيعمل فيكى حاجة زى كده غير لو انتى عملتى شىء تستاهلى عليه كده وفى الاخر ربنا يوفقك واعرفى ان ربنا مع الصادق والكلام اكيد مش ليكى لوحدك ه لكل الناس الى بتفتكر انها اتظلمت ((( داين تدان )))

الموضوع جامد جداا

ومعا احترامى لحمك ياغاده انتى ومحمد احنى عايزين نتكلم عن الاحلام العمليه يعنى عايزه مكانتك عامله ازاى فى المستقبل نفسك تشتغلى ايه الكلام ده يعنى وياترى خدت خطوه لتحقيق حلمك ده ولالا

يعنى انا عن نفسى بحلم انى اسافر واشتغل واعيش بره و الخطوه الاولى
الى ختها هى انى بحاول اجتهد فى الدراسه علشان اخلص واسافر

وتحياتى للجميع

السلام عليكم
ازيكم كلكم؟
اتمنى تكونوا بخير وسعادة
الموضوع دا حلو فعلا وبما انى النهارده اجازة فاسمحولى اقول تعقيبى على الموضوع
انا عاوز اقول انه شىء اساسى فى حياة اى بنى ادم طبيعى انه يحلم ، وخصوصا الطموحين اللى هما بيكونوا راسمين لنفسهم اهداف عالية اوى نفسهم يحققوها ، وديه اجمل حاجة فى حياتنا ، ان ربنا ادالنا النعمة ديه ، لكن ازاى نستخدمها ؟وازاى نقدر نخليها اداة نحقق بيها مستقبل افضل ؟
الانسان الذكى هوا اللى يرسم احلامه بدقه ، ويحط لنفسه هدف كبير اوى يكون مرشده فى طريقه ومسيرته فى الحياة ، الهدف دا علشان يكون ايجابى لازم يكون ضيق يعنى نقطة واحدة عاوز اوصلها ، طبعا مش هاوصلها مرة واحدة لكن هاعدى على محطاااات كتيييييير ..
بس الهدف دا المفروض يخلينى لما اقف قدام نفسى فى المراية ، اقول انا صح
المفروض الهدف دا يكون حاجة تستاهل انى فعلا اتعب عشانها واسهر واكافح
لازم يكون هدف حقيقى مش هدف مزيف ، يعنى مش هدف شكلى ، زى بالظبط ما واحد يكون هدفه يبقى دكتور ، دا هدف شكلى ، الهدف لازم يكون موضوعى يعنى ليه عاوز تبقى دكتور؟؟
هل علشان تساعد الناس؟؟؟ لو كدا يبقى انت صح ، انما لو كنت فرحان بالسماعة والبالطو الابيض ودكتور فلان راح ودكتور فلان جيه ، يبقى بلاش منها .
حاجة كمان يا جماعة ، الهدف لازم يكون بيراعى كذا نقطة زى الدين زى المبادىء والاخلاق ، يعنى ماينفعش اختار هدف علشان اوصله لازم اغضب ربنا ، او انى اعمل حاجة مش متفقة مع اخلاقنا وقيمنا .
ومعلش لو كنت طولت عليكم ، ويارب دايما نسمع عنكم كل خير
الكابتن / احمد زكريا

انا حلمي انا ربنا يرضا عني وعن المسلمين وينصر الاسلام في غزة وفلسطين وفي كل مكان

الدعاة امانة لكل المسلمين في غزة بالنصر

الصراحة كلامك انا متفق معاك فيه فى كله يا كابتن احمد واعتقد ان لو قلت فى حد نفسى يقرا الكلام ده فهو اكيد عارف نفسه من غير ما اقول اسمه بس يارب يقتنع ويعرف ان اهم حاجة هى انه يحط ربنا والدين والصح و الغلط فى دماغه

يا اهلا يا اهلا بالناس المنورين
والله كلكم نورتو الموضوع
ويا رب كل احلامكم تتحقق

ويا سي عمرو مش المهم ان الحلم يكون عملي
اصلا كلمه حلم دي من الرومانسيات
المهم انو يكون حاجه بجد عاوزها تكون موجوده
ثم انا اصلا مقولتش هدف انا قولت حلم
وبردو عاوزه البنوته الصغيره

جدعة يا غادة انا احب الى يعرف يرد وانا معاكى الحلم = حاجة انا عاوزها

ماشى ان معاكى ياغاده بس سؤال انت عايشه حايتك كلها علشان بنوته بس

خلاص ياستى ربنا يديكى بنوته وولد يطلعو عنيكى

واسكت ياعم البنزين(امينيم)

طبعا مش عايشة حياتها علشان بنوتة بس بس احنا مخلوقيييييين ليه؟؟؟ اقولك يا فيلاسوف ليه علشان حاجتين
1/ نعبد ربنا ((يعنى نصلى ونصوم ونطيعه وننفذ الحلال ومنفذش الحرام ))
2\ نبقى خليفته فى الارض (( يعنى نعمر الارض ونتكاثر ونربى عيالنا ونشتغل ))
وده المفروض حلم اى مسلم ومسلمة وده الى كاتباه غادة علشان كده انا حسيت انها تستحق تكون مسلمة والمفروض كلنا يبقى حلمنا نرضى ربنا وبعد كده نشوف الباقى ولو انت عايز احلام عملية اعمل موضوع وشوف رأى الناس يا ((كبريت))

بجد حلو اوووى النقاش

اكيد جلو مش انا فيه هههههههههه وكمان انتى يا كىكى منوراه وتيتو ومنساش ان الى كتبه مش اى حد دى دودة بس انا كمان مبسوط من النقاش حتى لى فى ناسى مش فهمت الموضوع صح من الاول زى تيتو بس قالت رأيها واكيد كلنا بنستفيد من بعض وكلنا اخوات ومشكور يا كىكى على تعليقك الجميل ده

مرسيه

المرسيه لله ههههههههههههه

بردو شكرا علي مروركم
و بلاش شغل البنزين والكبريت دا يا بشر
ماشي

بلنسبه للى مفهمش الموضوع دودو كتبت ايه اجمل حلم عندك انا مبقلش ان كلامك مش صح ان الواحد عايش علشان يرضى ربنا ويعمر الكون كلامك صح بس ياترى انت بتعمل بلكلام ده
ولو انت تكلم عن الحلم الحلم ملوش دعوه بدين اووى دنيا الحلم ليه دعوه بى الى انت عايزه ايه الى بتتمنه لنفسك
ولو بتتكلم من ناحيت الدين فكل البشر عايز انو يرضى ربنا الاول وبعد كده يجيب اولاد ويخش الجنه
وانا فاهمه كويس ياعم البنزين
وشكرا

ومتفتكرش انك لوحد الى ذكى الذكى الى بيستخدم ذكائه فى حاجه كويس مش فى لعب وكلام بس على الهو(حاجه على تفيده وتفيد الناس) وشكرا
الى بيفتكر نفسه ذكى ده وبتمنزر بيه فى اغلب الوقت بيطلع غبيييييييي

اكيييييييييييييد يا زكىىىىىىىىىىىىىى هههههههههههههه وعلى فكرة انا اه بعمل الكلام ده ولو حتى مش بعمله مش شغلك انا دى حاجة يبنى وبين ربنا وانا قلتلك اعمل موضوع تانى واكتب الى انت عايزه ادام انت مش فاهم ده صح (((واكيد يعنى انا اغبى منك)))

وعلى فكرة يا زكى انا و دودة ده كمان حلمنا الى بنتمناه وانا مش بستخدم مش هقول زكائى هقول غبائى فى اللعب بس يا زكى انا بستخده كمان فى امور الدنيا كلها وفى علاقاتى مع الناس واكيد برده فى الشغل والمزاكرة انت بئى فى ايه بتستخدمه ؟؟ على العموم مش موضوعنا وبلاش نخرج عن موضوع دودة لانه فعلا ممتاز ومشكورة يا دودة على موضوعك ومعلش يا زكى انا اسف ان مستوايا الزهنى اكيد اقل منك بمراحل معلش تعبتك

ياعمنا انا مبقلش انى زكى الحمدلله زكى على ادى ومبقلش انك غبى وكل واحد حر فى اختياره لحلمه او لاى حاجه هو عايزه كده انت ارتحت
(وبلنسبه انا بستخدم زكائى فى ايه بستخدمه فى الى يفدنى ويفيدنى فى علاقاتى وحاجات كتير بس علشان منخرجش عن الموضوع )
وشكرا على الموضوع

هو الموضوع عن ايه اساسا
اقلكوا اضربوا بعض احسن

احلى حاجة انك تعرف قدراتك يا تيتو ومشكور على ردك وتحية منى لاحمد سالم وياريت المرة الجاية قبل ما ترد يا تيتو تفكر شوية ممكن يتقالك ايه

ماشى ياعم والف تحيه لاحمد سالم الى منور المنتدى

بجد انا مع رايك يا احمد
وانا كمان مع رايك ياتيتو

يعنى انتى كمان زكية؟؟؟!!!!!

نعم !!!!!!!!!!!!!!!!!!!!!!!!!!!!!!!!!!!!!!!!!

نعم الله عليكى وعلى الى حواليكى مش انتى الى قلتى وبعدين كلمة نعم !!!!! دى تعتبر اهانة لزكاء تيتو هههههههههههههههههههههه انا جاى اهدى النفوس وعلى العموم برده نعم الله عليكى وعلى الى حواليكى وعلينا كمان آمين

يا الله
امينيم واضح انك بتهدى النفوس
انت حمامه سلام المنتدى

شكرا ليك يا امينيم
و اهو علشان تعرفو مين الى بيشعلها

هههههههههههههههههههه ماشى يا اخوانا الموضوع حلو واتمنى مشاركات اكتر

شكرا يا جماعه علي المرور الكريم دا
ومش شكرا خالص علي الخناقه اللي شغاله دي
ايه يا اخ منك ليه
متضربو بعض احسن صحيح علي راي احمد
دا مجرد اختلاف راي يعني

ههههههههههههههه
تقولى ده لمين ؟

هههههههههههههه ماشى يا جماعة خلاص صافى يا لبن

حليب ياقشطه

ايوا كدا
خليكو حلوين كدا علي طوووووووووووووووول

هيبتدى النق
قولى يارب

يارب

ههههههههههههههههه ان شاء الله دايما احنا فى المقام الاول و الاخير اخوات برده والكلام ده تافه بالنسبة لعلاقتنا كلنا ببعض واكيد مفيش مشاكل واتمنى ان الكل يتواجد معانا هنا فى القسم وفى المنتدى كله