فى حاجة اسمها العقل والجماعة والهدف والنفوس والطموح و الصمود
أولاً : العقل
لازم نعرف اه امكانيتنا اه الى معانا واه الى مش معانا اه الى نقدر ننفذة واه الى منقدرشى عشان منحبطش نفسنا فى المستقبل
ثانياً : الجماعة
مفيش حد بينجح لوحدة ولا فى جماعات متفرقة يعنى مفتبقاش ثونائيات ولا حتى شلل لازم تكون الطلائع كيان واحد فكر واحد دماغ واحدة هدف واحد
ثالثاً : النفوس
اصل محمد مبيحبش محمود وحسين بيكرة مى عشان مرتدش تديلو المنديل ولو فى عضو مش عجبو عضو لسبب ما يقلب الناس علية ويعمل علية جبهة ويقول للازم يمشى من الطلائع طبعاً مش كل الناس كدة بس فى نماذج كدة ياجماعة لازم النفوس تتصافى ولازم نقرب من بعض ولازم نبقى روح واحدة ولو انا مش عاجبنى تصرف واحد من الناس حتى ولو كان انا من حقك انك توجهة قدام نفسة او قدام الناس لو هو وافق لازم نقعد مع بعض واحنا صافين لبعض ومفيش بينا حاجة.
رابعاً : الهدف
لازم كل واحد فينا يبقالى هدف وياسلام لو كل الأهداف بقت وحدة (دة طبعاً فى الحلم) يعنى ملقيش حد جى الطلائع عشان ناس قعدة وخلاص او انه مشعارف يعمل حاجة فى النادى فقال يتسلى لا كل واحد هيبقالو دور ومش هيبطل شغل انشاء الله وعشان يشتتغل بنفس لازم يكون حابب الموضوع وعندة هدف
خامساً : الطموح
هدف من غير طموح كلام فارغ الى عندة هدف لازم يبقى عندة طموح عشان يحققة الا يبقى هدفة دة مجرد حلم عمرة مهيتحقق والطموح هو الى هيخليك تسعى لتحقيق الهدف
سادساً : الصمود
اوعى تفتكر ان الحياه وردى وان كل حاجة هتعوز تعملها هتتحقق انت بتحلم بس لازم تكون عارف ان فى مشاكل هتقبلك فلازم تقف للمشاكل دى ومتهربش ومتيأس ومتقولش زى ناس وهعمل اه يعنى مفيش فايدة ولازم تعرف ان مفيش حد حريص على تحقيق حلمك الا انت انت وبس
اساتذ احمد قال الكلام ده فى الوعد وده الى كان مهم الباقى ملوش لزمة المهم اننا نستفيد ومشكورين يا اخوانا على مروركم واهم حاجة نستفيد بس اكيد انا حذفت حاجات هو قالها وانا استأذنته قبلها علشان الموضوع يطلع بشكل حلو ومشكورين
موضوع: المهم !! 
الخميس فبراير 05, 2009 2:59 am
