مميزات العيوب

بسم الله الرحمن الرحيم
اهلا بكل اهل المنتدى
انا ليا فلسلفة فى حياة اتمنى انها تلاقى من حضارتكم نقض او تشجيع اى كان الاتنين فيهم افادة ليا

مثلا هنبدأ بــــــــــــــــالقناعة :
القناعة مش مع كل الناس علشان لو عشت بين الاسود قنوع هتموت من الجوع

وثانيــــــا الحرب:
الحرب بيكون احيانا احد انواع السلام زى الى حصل فى اكتوبر 73 لو مكناش حاربنا مكناش بئينا فى سلام

ثالثــا الكـــذب :
الكذب بيكون مفيد و حلال لو كنت بتصلح بين اتنين او فى الحرب او بتجامل شريكة حياتك يعنى اهو ليه فوائد وبيكون فيها حلال

رابعـــا التبـــلد :
التبلد ده حكاية لوحده لانه بجد صانع الحضارة والتقدم زى الى حصل فى عهد محمد على فى مذبحة القلعة ماتت ناس اه وكان مفيش احساس عند محمد على (تبلد يعنى) وهو ده الى نظف البلد من المماليك(اعداء الحكم و التقدم ساعتها) يعنى التبلد كان احد اسباب الى ورا صنع حضارة مصر

خامــسا الانطوائية :
يعنى لما بتكون زى ما الناس بتقول كده نكرة انت مش نكرة انت مش عندك القدرة على انك تتفاعل اجتماعيا مع الناس ده بيديك مميزات ان محدش بيبالى بوجودك اوى وبسبب ده ممكن تحضر جميع الوقائع الى ممكن تحصل ومحدش يعرف عنها حاجة يعنى بتبقى سيد القوم بس وانت ساكت

دول اول خمسة كتبتهم لما جم على بالى انا مشكور اوى للناس الى قرأت الموضوع وان شاء الله اكتب المزيد بس لو لاقيت اعجباب من حضارتكم انا عندى تانى بس قلت ابتدى بخمسة بس وعلى فكرة دول مش احسنهم فى احسن


بقلم امينيم

الموضوع كويس
بدايه موفقه
ومنتظره المزيد
بس عندى تعليق فى حكايه الكذب دى عشان مينفعش الكذب بالذات مع شريكه حياتك لو الظروف جبرتك او اضطريت ممكن لاكن مقولش حلال وينفع مش معاك فى دى

مرحبا بيكى ويسرنة نقضك ولكنى مش بقول حاجة من لا شىء ده حديث نبوى يعنى النبى الى قال ان الكذب حلال فى ال3 حاجات دول ومشكورة على مرورك واتمنى المزيد من المساهمات

يمكن يكون عندك حق بس ياريت تكتب الحديث مش شك فى كلامك بس احب اعرفه

روى الترمذي من حديث أَسْمَاءَ بِنْتِ يَزِيدَ قَالَتْ قَالَ رَسُولُ اللَّهِ- صَلَّى اللَّهُ عَلَيْهِ وَسَلَّمَ-: "لا يَحِلُّ الْكَذِبُ إِلا فِي ثَلاثٍ: يُحَدِّثُ الرَّجُلُ امْرَأَتَهُ لِيُرْضِيَهَا، وَالْكَذِبُ فِي الْحَرْبِ، وَالْكَذِبُ لِيُصْلِحَ بَيْنَ النَّاسِ" ادى الحديث يا ستى ومشكورة اوى على تواجدك معايا فى الموضوع واتمنى المزيد من النقض

بس الكدب على شريكة الحياة مش فى الامور كلها لا انتى فهمتى غلط قصدى يعنى لما يقولها انتى اجمل واحدة انا اعرفها يعنى المجاملات دى مش حرام ومش تعتبر كدب اتمنى اسمع ردك ورد الجميع

اكيد بس الحياة مش ينفع تتقام على الكذب والحمد لله على وجود الاسلام فى بلدنا هو الى بيوجهنا نروح فين ونيجى منين مشكور على مرورك واتمنى يكون الموضوع كويس

انا فى راى انه موضوع كويس
ومنتظره الباقى منه

من عنيا الاتنين هنزل 5 تانين

هما فين ال5 التانيين
الكلام دا بقالو اسبوع
فين الباقي يا سي امينيم

حاضر والله من عنيا هينزله الاسبوع ده اصلى مش فاضى شوية وهنزلهم