لاصحاب الخيال الواسع فقط!!

............................... .............................
احنا هنا كل واحد هيقول حتة من قصة فى خياله من تأليفه ويقف عن حتة حلوة فيها تشويق والى بعده هيكمل ويوقف برده عند حتة فيها تشويق والى بعده يكمل وهكذا الى مواقف يكمل ورايا والى مش عايز خلاص هو حر بس هيفوته كتير اوى .
فى يوم من الايام كان فى ولد ماشى فى حديقة جميلة واتكعبل فى حجرة نفض هدومه وجه يرفع الحجرة علشان محدش يتكعبل فيها تانى لقى تحت الحجر .........
يلا حد يكمل

لقي تحت الحجر خريطه من الجلد
بس مكانش فاهم من رموزها حاجه لانها مكتوبه بلغه تشبه اليونانيه القديمه او الاغريقيه
وبم ان الولدكان من المغرمين بالانترنت فدا ساعدو كتير في البحث عن نوع اللغه دي
ولقي الولد انها لغه اغريقيه بالفعل وبردو عن طريق الانترنت قدر الولد انو يترجم الخريطه
وكانت الخريطه بتشير لحاجه في المعبد اليوناني اللي في المدينه المجاوره
واخد الولد الفضول
وقرر يروح يستكشف عن الحاجه اللي مستخبيه هناك من قرون
.
.
.
.
.
.
.
.
.
.
.
وسافر اخينا للمدينه دي وقرر يروح يستكشف المعبد بليل علشان محدش من السياح اللي بيزورو المعبد يشوفو
وبم ان المعبد مجرد ابنيه ومفيهوش ائار يتخاف عليها فالحراسه هناك كانت قليله جدا ودا ساعدو كتييييييييييييييييييييييييييييييييييييييييير
.
.
.
وبدا يتجه حسب مؤشرات الخريطه
من لوحه اوديسيوس الجداريه الضخمه لتمثال المينوتور
للعمود الشرقي الكبير
وتحت لوحه اجاممنون بالظبط كان لازم يحفر لمسافه مترين
.
.
.
وبعد اكتر من تلت ساعات حفر مرهق جدا لقي صندوق صغير
واللي ادهشه انو مكانش عليه ولا قفل مثلا ولا اي جاحه تمنع فتحه
وفتحه بايدين بترتعش من الرهبه والفضول
وادام عينيه .
.
.
.
.
.
لقي قلاده اغريقيه قديمه
خليط من الذهب الخالص والفضه
منحوت عليها صوره ترعب اشجع انسان في الكون
وحش ذو ثلاث رؤوس واحد منها راس كبش والاخر وجه يشبه الثور
والثالث
الاكثر بشاعه
وجه مشوه
غامض
ملامحه مرعبه بالرغم من عدم ظهورها
.
.
.
ومع ذلك مد الولد ايده جوا الصندوق بفضول فاق رعبه
ووقع الصندوق من ايده تحت وطاه فضوله ورجفاته المستمره
وظل ينظر لها بفضول لا قبل له به
وبالرغم من عدم رغبته في ان تلمس عنقه ابدا
الا انه وجد نفسه مجبرا علي لبسها
هناك شيئا يدفعه لذلك
شئ قوي
لا يعرف كنهه
والان وقد استقرت القلاده علي رقبته
قلاده ازيموديوس
وبالرغم من ان الشعور المهيب الذي من المفترض الا يجعله يشعر بما حوله الا انه سمعها
نعم
ضحكه انثويه صاخبه
ضحكه ليلييث
ولم يجرؤ علي الالتفات..
ابدااااا...
.
.
.
.
.
.
اشطه عليا
صح
يلا بئي
الجدع يكمل
بس ونبي عايزين رعععععععععععب
مين بئي هيعرف يالف احسن
ورووووني

ههههههههههههه يا دودة انا قصدى تمتبى سطرين او تلاتة او اربعة مش قصة بحالها والى بعدك يكمل فاهمة قصدى؟؟ وبجد مشكورة على قصتك بجد انتى تمام بس عايزين نمشى فى المسابفة حسب القواعد الى قلتها دلوقتى يلا نبدأ من الاول
.
كان فى بنت بتحب جددتها اوى وفى يوم راحتلها البيت جدتها قالتلها روحى هاتى ورد من الجنينة علشان تديه لماماتك فى عيد ميلادها راحت جابت الورد بس كان شكل جدتها قلقان من حاجة ولما رجعت وفتحت الباب..
..
..
.
لاقت ..............
حد يكمل بئى بس مش يكمل القصة كلها يقول حتة ويقف والى بعده يقول حتة و يوقف لحد ما نقفل القصة بس مش عايزنها تتقفل بسرعة

يا عم مانا كتبت جزء بس
وكان ممكن تكمل عادي وربنا
يبني دانا سبتهالكو عند حته جامده وربنا
كان في احتمال لستين مفاجاه
ليليث تظهر مثلا
او هو يتحول لاي حاجه
ازيموديوس مثلا
او الامن يقبض عليه
او يطلع اتجنن
او تحصلو تهيؤات
او يطلع بيحلم حتي
او يكتشف ان دا مقلب من اصحابو او خطيبتو
اي حاجه يا عم
بتقفلها ليه بس
مليش دعوه التانيه كانت عاجباني
ونعمه لو مكملت عليها لاخلي البنت بتاعت جدتها دي
تفتح الباب تلاقي ازيموديوس نفسه مستنيها هه
يلا بئي
طنش الجزء بتاع البنت دي وكمل علي الولد
اوووووووووك

اوك هكمل على بتاعتك
ثم بعدها بفترة صغيرة استجمع هذا الفتى شجاعته وبدأ بالدوران
فلم يجد شيئا فدار بوجه للصندوق
وفجأة رأى البتاعة الى بتقولى عليه دودة ده فى وشه
فبدأ بالجرى ولما اقترب من الباب
فجأة
الباب انغلق
وبدأ البتاعة الى بتقول عليه دودة ده بالتقرب منه وعندما رأى القتى انيابه شعر برعب كبير
ثم اصبح نص جسم الفتى فى فم البتاعة الشرير ده هههههههه
ثم بعد ذلك فتحت الارض من تحت الفتى لما نزل نزل على شىء ناعم فوجد نفسه فى.......
يلا حد يكمل

السرير يا فالح انت بتستعبط يبني
كمل عدل ياد انت
وبعدين باب ايه دا بس اللي في المعبد
وبعدين انهي بتاعه بالظبط
مهم كذا حاجه

ايش عرفنى يا دودة انتى بتقولى اسامى غريبة اوى شوفى قصة تانية نعملها

اسامي غريبه ايه بس يبني
دي اسامي ابطال اساطير من اشهر الاساطير علي الاطلاق
وبعدين مليش دعوه دي عجبتني
كمل عليها

لا والاجمل وجودك انتي يا كل الحب والدلع
بس يا جماعه حد يكمل عليها
ولا ينفع انا اكمل بعد نفسي ولاايه
اقولك يا امينيم
لو مش عاجباك
ابدا واحده جديده
انا زهقت اصلا

هههههههههههههههههههههه مروركم بجد بيحلى اى موضوع عايزين حد يطرح موضوع قصة ولا مش عارفيين؟؟

موضوع قصه
اممممممممممممممم
طيب نقول الموضوع بشكل عام وبعدين نفصل الاحداث اوك
وبمناسبه النقاش الحامي في المواضيع اللي بتتكلم عن الشباب
ومشاكلهم هنخليها قصه عن شاب مصري
بتتجمع فيه بتاع تلاتين اربعين مشكله كدا علي الماشي
ونشوف رحله التصدي للمشاكل دي
اوك

بدايه
فتح عينيه بتثاقل اثر نداء امه
حسنا
ها هو قد استيقظ
ولكن لماذا
ليعيش يوما جديدا؟ ...وياله من يوم
انه يعرف ما ينتظره تماما
فالايام مثل بعضها
يقضيها شقاءا وعملا حتي يعود للمتزل منهك القوي
فيتوجه لسريره مباشره بعد ان يتناول عشاؤه
وبالطبع لا يفوت احد من المنزل ان يقص عليه مشاكل يومه
فامه (اتخانقت مع الست فتحيه اللي في الدور التاني)
واخته (عايزه مصاريف المدرسه)
واخوه تشاجر مع ابن الجيران
وما الي ذلك من صداع متكرر وممل
وهو كالعاده يلبي طلباتهم ويحصل علي مكافاته
قدر من الدعوات الطيبه التي تغمره بها امه
ذلك هو ما يعينه علي الحياه
فان عمله الي جانب دراسته يرهقه كثيرا
وخاصه مع ما يراه امامه من مستقبل غامض
فانه ليس مثل غيره
ليس كل همه ان يزوج اخته ويري اخيه متعلما وفي مركز جيد
بالطبع هو يريد ذلك
ولكنه يريد لهم ما هو اكثر
ويريد لنفسه ايضا ما هو اكثر
طالما قالت له وفاء ان طموحه ذلك سيحطم حياته
لكنها لا تعرف شيئا
ربما ذلك الطموح هو الامل الوحيد حتي يستطيع بناء حياه له
.
ابتسم لزكري وفاء
فهي زميلته في الجامعه
وحبه الاول والاخير ايضا
لم يري مثلها ابدا..انها نعمه من الله اليه
ولكن ان لم يبني لنفسه مستقبلا جيدا
سيخسر كل شئ
احلامه..والامان لاسرته..ووفاء
فليوفقه الله
امامه طريق طوييييييييييييل
..وخرج من سريره ليواجه يوما جديدا
ولكن ليس محبطا كما استيقظ
فالان عاوده طموحه ومرحه المعتاد
انه محارب جيد..بل ممتاز.
..
.
.
.
.
يلا حد يكمل

يا نهار اسود انتى كده حكيتى القصة كلها يا دودة هههههههههههههههه
المهم بعد ما خرج لقى وفاء فى الجامعة والكعادة صبحت عليه بشوها الحلو الى بيصبرا على مصايب الدنيا وقالت له حبيبى انا على فكرة عايزة اقولك حاجة هتفرحك وهتزعلك
قالها قولى يا وفاء وربنا يستر
قالتله انا فى عريس جالى امبارح وكانوا اهلى مقتنعين بيه تماما بس انا رضفت والحمد لله نجحت فى انى طفشته
قالها انا اكيد فرحان انك طفشتيه بس لحد امتى هنفضل كده وانا لسه ادامى مشورا كبير اوى
وراح على الشغل وهموم الدنيا كلها جواه وفوق كل المصايب دى لقى صاحب الشغل بيقولوا اجازة 4ايام علشان الشغل واقف
راح وهو بيقول لنفسه انا اتعس انسان فى الدنيا
بعد ما روح قام صلى ورجع لربه
ودعى ربه من قلبه ان يسير ليه حاله
يلا حد يكمل...

راح بطلنا راح لرامى وكلمه ودخل معاه فى المشروع بس برده الاجر الى بيحده صغير لا يكفى لعمل شىء للمستقبل ثم بعد فترة كبيرة من الجهد والعمل بدأ بطلنا برؤية الحقيقة انه مفيش امل !!!
راح شاف وفاء وقالها انا بحبك اوى يا وفاء وعلشان بحبك بقولك اتجوزى وعيشى حياتك انا مفيش منى امل خالص ومش هقدر اتجوزك ابدا!!
وفاء كانت ساكتة وفسرت ده انه عايز يخلع
بس الحقيقة انه مش هيقدر على الدنيا وبدأت الدنيا تسود فى عنيه ويشوف كل حاجة ضلمة
راح بطلنا قعد على قهوة من غلبه ولقى راجل اعد بيكلمو وهو مش يعرف عنه حاجة غير انه صاحب مال ونفوذ
قاله انا عايز فى شغل هيخلصك من الى انت فيه
قاله ايه الشغل ده؟؟
قاله هتوصل.......
يلا حد يكمل

شنطه صغيره
ملكش دعوه فيها ايه
المهم انك بمجرد ما هتوصلها هتاخد مبلغ كبير
ومع عمليتين تلاته زي دي هتحل مشاكلك كلها
وطبعا مكانش محتاج يوضح اكتر من كدا
صاحبنا فهم كل حاجه
الفخ المعتاد للشباب اللي بيواجهو ازمه زي دي
مش بعيد كمان كام سنه يلاقي نفسو مدمن ومرمي علي اي رصيف
طبعا مهو طباخ السم بيدوقو
وبعدين هو الراجل دا مجنون ازاي يطلب دا مني انا
انا مش ممكن اخون اهلي وبلدي ابدا وادمر شبابها
وقبل ما يثور في وش الراجل
جت في دماغو فكره
هيكسب ايه لو زعقلو ومشاه
هيلاقي واحد غيرو وينفذ اللي هوا عايزو بردو
احسن حل ....
.
.
يلا حد يكمل