كارثة اسمها البطالة

مقالة كتبت بقلمى

البطالة كارثة تهدد مئات الألوف من الشباب
.. لعدم إيجاد فرصة عمل.. لذا فهم يحاولون البحث عن العمل للخروج من هذه الأزمة.. ولكن الواضح أن معدل البطالة والعاطلين يزداد، فالشاب أو الفتاة يكافحون طوال الأعوام الدراسية، ويسهرون الليالي في المذاكرة للحصول علي مؤهل عال.. وعند التخرج يكون كل منهم راسماً أحلاماً وردية، ولكن مع الأسف يصطدم بأرض الواقع لأنهم لم يجدوا عملاً في مجال تخصصه، وإن وجد عملاً يكون عملاً شاقاً وبأجور رمزية لا تكفي احتياجاتهم، فضلاً علي أن بعضهم يكون مهدداً بالفصل من العمل في أي لحظة بكلمة من صاحب العمل الذي يقوم باستنزاف جهدهم دون مقابل يستحق جهدهم الشاق والذي يستمر ربما لساعات طويلة تجاوز ساعات العمل المقررة.. ثم يعودون إلي نفس الدوامة في البحث عن عمل آخر يكفي احتياجات المعيشة الصعبة.. ولكن هذا العمل لا يجدي لاستعداد الشاب أو الفتاة للإقدام علي الزواج والاستقرار.. ثم يضطرون إلي البحث عن الوظيفة الحكومية بحثاً وراء الاستقرار.

ولكن مع الأسف عندما يجدون إعلاناً في الصحف عن مسابقة للتعيين
.. يجدون أن هذه الوظيفة محجوزة لأشخاص معينين بالوساطة.. وبعد أن يقفوا في طابور الوظيفة الوهمية.. وتجري لهم امتحانات أو اختبارات صعبة.. يجدوا أنفسهم خارج هذه المسابقة لأن فلاناً ابن فلان.. أو قريب فلان هو المعين والفائز بالوظيفة.. فيضطرون إلي العودة مرة أخري أيضاً للبحث عن عمل آخر.. فيجري قطار العمر بهم ودون أن يشعروا.. لأن شرط الوظائف الحكومية أو القطاع العام مرتبط بسن معينة، وبعدها لا يصلح أي خريج للالتحاق بهذه الوظائف، فبعضهم من يصمد في التيار ويكافح ليجد مشروعاً ولو بسيطاً أو عملاً يجعله يواصل احتياجات المعيشة بصعوبة.. والبعض الآخر يفشل ويجد نفسه في مهب الريح وضعيفاً وفريسة سهلة لإغراء الشيطان، فيقع في الرذيلة إذا كانت فتاة، ويقع في الجريمة إذا كان شاباً.

فإلي أين يذهب المسئولون بهؤلاء الشباب بعد أن ضاعت أحلامه؟ فهل من مجيب؟

موضوع ممتاز جدا وواقعى اوى وفعلا نا نفسى فى اجابة زيك

ولييييه الاحباط دا
بس بصراحه
دا واقع لا مفر منه
بس مش لازم نعتمد علي الوظائف
ممكن كل مجموعه يعملو مشروعهم الخاص

و هل من مجيييييييب
مين بس الى هيعبر الناس ديه
انتى عندك الحيتان الى فى البلد ديه
كل الى يهمهم رصيدهم كام فى بنوك سويسرا و اوروبا
و ملهومش دعوة بالبلد ديه تخرب تولع مش هتفرق معاهم
ساعت ما تولع يسافروا و يشوفوا مشاريعهم الى برة
لكن الناس الغلابة الى هنا ملهومش مصير غير انهم
يداسوا بالجزم ..... حتى دلوقتى مبقاش فى طبقة متوسطة
و الله اختفت كله بقى على الحميد المجيد ........
و يا doda بقى بتقولى يعملوا مشروع
زى ايه مثلا سنترال ولا محل موبيلات
ولا يفتحوا مكتب استثمار ولا محاسبة
ولا واحدة متخرجة فى الطب تشتغل ممرضة
اقل مشروع دلوقتى .... انتى عارفة السنترال الى هوه
حاجة قليلة علشان يتفتح عايز مش اقل من 30000
احسن حاجة اننا نرمى الحاجات ديه ورى ظهرنا لان احنا مش
هنعرف نغيرها و كمان علشان الواحد ميجولوش احباط و اكتئاب .... !!!!

مشروع ايه يا دودوة؟؟ مهو الى ايده فى المية مش زى الى ايده فى النار يا بنتى مستحيل البلد دى تمشى خلاص احنا وصلنا لمرحلة اضمحلال كيبرة اوى وصعبة جدا ويارب معانا كلنا ومن الاخر لو مادستش على غيرك وبقيتى انانى واتبعت طرق مش كويسة مش هتشتغل وهتبقى نسبة شغلك 2% بكتير ده لما نكون متفألين

ليه بس السيره ديه

متخلونا سكتين احسن

Rolling Eyes

ههههههههههههههه اه خلينا ساكتين ونفضل ورا بمزجنا احسن ما نبقى ورا غصب عننا

ايييييييييييه يا جماعه
انتو مسمعتوش ان في قروض بتتقدم للمشاريع اللي الشباب بيعملوها
وان في اراضي بتتباعلهم بسعر قليل جدا علشان يستصلحوها
والله بئي اللي عايز يشتغل بيشتغل
مش فالحين بس نعد علي القهاوي ونعد نعيط علي حظنا
الواحد هوا اللي بيخلق الواقع بتاعو باصرارو
مش يعد يلعب ويضيع في وقت ويقول مهي كدا كدا بايظه
لا يا جماعه
اسمحولي
انتو كدا محبطين ومتخازلين كمان
ومن غير تجربه منكو كمان
كلو بالسمع
انما واحد منكو جرب يشتغل صح
ابدا
وهو دا بئي اللي مودينا في داهيه
لما شبابنا يبئو كدا
عايزين البلد تعمل ازاي يعني

الى ايده فى المية مش زى الى ايده فى النار

doda انتي سمعتي على الازمة الاقتصادية الة في العالم معتقدش ان الشباب بعد الازمة حتلقة اى شي دلوقتي ممكن تكون لقية بعد كدة مش حتعرف حتي تسافر اى مكان الة مسافرين بيرجعو على شان بينزلو في المرتبات بتعتهم والحياة صعبة بجد انتي على شان مش اتصدمتي بارض الواقع لسة لما تخرجي اكيد حتعرفي ان القروض الة بيعملها دى القصد منها دخول السجن لما كل واحد عايذ يعمل مشروع مين حيشترى من مين للاسف البلد في النازل بس كل العالم رخص الة بلدنا

دودو شايفة الدنيا وردية

دودو معلشى عشان انتى لسة متخرجتيش وشفتى الحياة بتعمق احنا كدة بردوا كنا زايك

كنا شايفين الحياة وردى وردى فى كل حاجة بس للاسف اتصطدمنا بأرض الواقع المجبرين علية

وبالنسبة للمشروع والقروض ولنفترض ان المشروع فشل هيدفع منين اقساط القرض

فأكيد هيكون تمنة السجن

يعنى انا علشان اخد قرض لازم يكون فى ضمان و بعدين

فوائد القروض مش قليلة
و سمعينى بقى مين الى بيشترى الاراضى باسعار رخيصة
يا ستى مش الشعب و الله الى بيشتريها دوووول رجال الاعمال
خليها كدة لغاية ما تخرب
و احسن حاجة فى الشعب المصرى انه بيضرب على افاه و بيفضل
ساكت :::::: هنقول ايه بس حمالين اسية Very Happy

_________________

انا مش فاهمه في ايه
طيب بفرض ان انا شاي فا الدنيا وردي
مانتي كمان شايفينها اسووووووووووووووووود
وبعدين ايه المانع لما يبئي عندنا شويه تفاؤل يعني
دانتو تجيبو احبااااااااااااط

فلنكتفى بهذا القدر

شكلكم كدة عايزينا تودونى وراة الشمس

بشكركم بشدة على المناقشة وتبادل ارائكم

خليهم يقولة رئيهم مش كفاية مش عارقين يقولة برة حيبقا برة وجوة حرام خليهم يخرجو الكبت الة عندهم كفاية الة البلد عملة فيهم وشكرا ليكم كلكم