مسابقة المعـــــلم " كورومبووو "

أهلا بيكم
النهاردة حصلت حاجة كوميدي خالص

عمرو عبد الله أشترى أتنين كيلو برتقال بصرة عشان عنده شوية برد ولما وصل بيهم لباب العمارة أفتكر أنه نسي يشتري كيلو لبن وكان واقف قدام باب العمارة وعلى الرصيف التاني كان فيه 3 من أعضاء المنتدى؟؟؟؟؟؟

الأول (tito) : اللي كان بيسمع في الأم بي ثري أغنية ريمكس لسه طالعة جدبدة

التاني (ziks) : اللي كان واقف مع زباين بيبيع لهم العربية

التالت (zidane) : واللي كان بيشرب عصير قصب في المحل اللي قدام العمارة

عمرو عبد الله ساب كيس البرتقال قدام باب العمارة ورجع علشان يشترى اللبن ولما أشترى اللبن ورجع ملاقاش الكيس
ولما سألت التلاتة أذا حد فيهم شاف كيس البرتقال بتاع عمرو عبد الله قالوا :-

(tito) : أووف بجد حاجة مش معقولة برتقال ايه وبتاع ايه يعني ينفع كدا تخرجني من المود بتاع الأغنية بجد حاجة لا تطاق

(ziks) : ههههههه برتقال ايه اللي أنتا جاي تقول عليه وواجع دماغنا علشان أتنين كيلو برتقال بصرة لو لاقيته أبقى هات واحدة وسلملي على البرتقال

(zidane) : لأ أنا مشوفتش أي أكياس برتقال ولا حتى عنب أنا واقف بشرب في العصير حتى لسه مخلصتوش تاخد شوية
...........
عمرو عبد الله معرفش مين اللي سرق البرتقال
بس أنا عرفت لو أنتا كمان عرفت
رد وقول مين اللي سرق البرتقال
وأبقى قبلني لو كسبت حاجة
وإلى اللقاء وحلقة جديدة من مسابقة
المعــــــلم كورومبو

ههههههههههه
فكره حلوه
اعتقد

zidane

ههههههههههههههههههههههه فكره جامده يامان

تقريبا زيكا

ها عايزه اعرف الحل بسرعه

انشاء الله لما يخش أبطال الحلقة دي

لذيذه مووووووووووووت الفكره ديه والحل هو
ziksلو عايز تعرف انا قولت علي اسمه ليه ابق ابعتلي وانا هقولك
السبب يا كرومبو

لأ بلاش دلوقتي خلينا لحد يوم الأحد اللي جاي علشان أنشاء الله هنزل حلقة جديدة

انا عرفت بقي مين اللي سرق البرتقال بتاعي بس حلال عليه ومش خسارة فيه بالهنا والشفا هو

ziks

بتهيالي صح علي حسب تحليلي للكلام ولعلمك انا برده بفكر اشتغل مساعد للمعلم كرومبو

[/b]بص يا فاروق هو فى حلقات مفقودة فى كلامك زى مثلا العصير الى كان ماسكه زيدان لو كان لونه اسمر لانه عصير قصب ساعت ما عمرو سأله يبقى زيدان ساب العصير وسرق البرتقال ورجع علشان يكمله ده اولا
وثانيا لو زيكا زى ما بيقولوا الناس يبقى كلامك مش واقعى خالص لانه كان بيبيع عربية يعنى راجل صاحب مال يعنى مش هيسرق 2 كيلو برتقال او يسيب الناس ويروح ياخد البرتقال
وهو مش تيتو لانه واضح انه كان متأثر بالاغنية فعلا
بس فى النهاية الحل هو زيكا طبعا لانه عارف ان البرتقال بصرة بس برده يا فاروق قصتك ناقصة شوية حاجات وبالتوفيق المرة الى جاية ويارب تكون حلقتك الى جاية ادق من كده والسلام ختام
(حاول معرفة قدرات الذى امامك اولا حتى تتمكن من ان تتحازق عليهم)

هههههههههههههههههههههههههههههه
معلش أصل المسابقة دي بتحكي قصة بجد مش خيال
ههههههههههههههههههههههه
وشكرا على مرورك وردك الكريم الموقر

أيه رأيكم كل واحد لو عرف ينزل حلقة ينزلها والكل يشارك فيها واللي عنده فكرة جديدة أو حلقة جديدة
ينزلها من غير مايقول حاجة والموضوع دا مش بتعي الموضوع دا بتاع كل واحد يحب ينزل حلقة جديدة
والسلام ختام

الحلقة الثانية

النهاردة في ستاد القاهرة حصلت حاجة غريبة جدا

ziks راح إستاد القاهرة وكان قاعد في المدرجات بيشجع النادي الأهلي وكان معاه كيس سندوتشات برجر وسوسيس وفي ايده التانية كان معاه العلم بتاع النادي الأهلي
وكان ماسك العلم في ايد والسندوتشات في الأيد التانية
وكان معاه في المدرجات 3 من أعضاء المنتدى

الأول (tito) : اللي كان بيحب النادي الأهلي أوي وكان لابس تيشرت الأهلي وعمال يشجع فيه

الثاني (المشاكس) : اللي كان بيشجع الأهلي وكان معاه صندوق عصير ياهووو

التالت (كابتن طارق) : اللي كان بيضرب في tito علشان مش شايف منه الملعب

وأنا كنت واقف في المدرجات الأخيرة من الإستاد

ولما أبو تريكة جاب الجون السابع ziks ساب كيس السندوتشات من الفرحة ومسك العلم بإيديه الأتنين وفضل يشجع اللاعيبة ولما خلص ملقاش كيس السندوتشات؟؟؟؟؟؟!

ناداني ziks علشان ألاقي كيس السندوتشات بتاعه وروحت سألت التلاتة إذا كان حد فيهم لقى كيس السندوتشات قالوا:

(tito) : قال أنا كنت بشجع الأهلي ولما ابو تريكة جاب الجون السابع روحت الحمام وجيت تاني

(المشاكس) : قاللي يا عم أنا مشوفتش حاجة وماليش دعوة بحد أنا كنت مندمج في الكيس ال 16 من العصير

(كابتن طارق) : قال أنا كنت بشجع النادي الأهلي وبضرب في tito وبعدين قالي أنا رايح مشوار و راجع

أنا عرفت من اللي سرق كيس السندوتشات لو أنتا كمان عرفت
رد وقول مين اللي سرق السندوتشات
أبقى قبلني لو كسبت حاجة
وإلى اللقاء وحلقة جديدة من مسابقة
المعـــــــــــلم كورومبو

مين انا بجد مش عارف بس غالبا tito

[center]احتمال كبير يطلع tito
طب فين حل الحلقة اللي
فاتت

[/center]

ههههههههههههههه
لا انا اعقد انو المشاكس

طلع زيكا يا كل الحب والدلع ده حل الحلقه الى فاتت

موضوع: المعلم كورمبو الأحد أبريل 19, 2009 5:45 pm

اليوم حدث شئ غريب كابتن طارق راح للاحتفال بيوم اليتيم وكان بيجهز البلالين للحفل فنادي عليه منظم الحفل ولما رجع ملقاش البلالين وكان موجود حواليه 3

tito اللي كان بيستعد لحفلة عيد ميلاده
ronaldo اللي كان بيجيب دبابيس للورق
عمرو عبد الله اللي كان مشغول باغاني الحفل

ولما سالت titoقال بلالين ايه دي دانا حتي محتار عشان حفلتي قربت

ولما سالت ronaldo قال لا يمكن ابدا دانا حتي كنت مشغول با الدبابيس لالني لفيت كتير

اما عمرو عبد الله فقال انا مالي باالبلالين انا مشغول بالحفلة وبس

لو عرفت الحل اوعي تتصل بسا غشان مش هتكسب

ان الانسان هو الامل فاذا فقد الامل فقد الانسان

ronaldo

انا راى انه تيتو
ولما نشوف
ايه الحل
بس بسرعه

مين مين مين تلقيك قولت أخلى مين الحرامي ملقتش غيري

ما علينا أنا خدت البلالين من كابتن طارق بعد لما قولتله علشان أعمل بيها العيد ميلاد بتاعه

تلاقيك أنتا اللي مكنتش واقف معايا وأنا بقوله
ههههههههههههههههههههههههههههههههههههههههههه

حلقة كويسة يا روقة والحل تيتو على ما اعتقد

كويس ان فى فكرة انتشرت كده واتمنى ان المنتدى يبقى احسن وافكاره تكتر على طول

شكرا ليك على المساهمة الرقيقة دي

هو تقريب انا الى اختهم

أحب أقول يا tito السرقة حرم ومتعملش كده تاني علشان إيدك منقطعهاش

هههههههههههههه عسل والله يا كابتن

صح يا تيتو اللي بيسرق بيروح فين ؟؟؟؟
أوعى تقول مارينا
اللي بيسرق بيروح النار
هههههههههههههههههههههههههههه

لا بيروح مارينا
انتوا كلكم جين على الواد كده ليه

معلش ياتيتو اعترف انك غلط ومش هتعمل كده تانى يابابا

متعيطش خلاص سمحناك

ههههههههههههههههه
كدا يا عمرو تسرق البلالين
وانا اقوللك هات بلونه مترضاش
ماشي ماشي
بس يلا علي كل حال مسامحينك
وعلي فكره يا محمد فكرتك دي حلوه اوييييييييييييييييييييييييييي
بجد والله مسابقات كورومبو بتاعتك دي جامده اخر حاجه

بسم الله الرحمن الرحيم

الحلقة الثالثة

النهاردة كان عيد ميلاد زيكا وكنا كلنا النهاردة موجودين في حفلة عيد ميلاده وبعديها كان هيروح الأقصر زمانه دلوقتي لسه في القطر
المهم
النهاردة في حفلة العيد ميلاد حصلت حاجة غريبة جدا
طفينا النور وقولنا هابي بيرز داي تو يوه ويلا حالا بالا يحيا أبو الفصاد وبعدين بنشغل النور ملقناش
zidane وبعديها بفترة جلنا تليفون من مجهول بيقول هاتولي علبتين جاتوه وأجيب لكم zidane
ولأن الجاتوه كان غالي وطعمه لذيذ أستخسرنا فيه وأكلنا أحنا الجاتوه
وأنا كنت بشك في الناس دي اللي هما
كانو موجودين في الحفلة:

crestiano ronaldo :- اللي كان واقف بيهني زكريا بعيد ميلاده

tito :- اللي كان واقف بيتكلم مع عمرو عبد الله

عمرو عبد الله :- اللي كان باصص على الحفلة ومنفض ل tito

المشاكس :- اللي كان بياكل في الجاتوه وكان عايز تاني بس أحنا مرضناش نديله

كابتن طارق :- اللي كان بجمع الهدايا بتاعت زيكا

ولما سألت الناس دي قالو :-

crestiano ronaldo :- قال : أنا كنت بهني زيكا بعيد ميلاده ومكنتش مركز مع حد

tito :- قال : انا كنت بكلم عمرو عبد الله عن مشكلة في الكمبيوتر بتاعي علشان يحلهالي

عمرو عبد الله :- قال : أنا كنت ببص على نظام الحفلة علشان كنت عايز أعمل حفلة عيد ميلادي زيها بالظبط

المشاكس :- قال : انا كنت عايز حتة جاتوه بس همل مرضوش يدولي فأنا حبيت أتصرف بمزاجي

كابتن طارق :- قال : أنا كنت بجمع الجوايز علشان متضعش وكنت مشغول اوي

أنا عرفت مين اللي خطف zidane لو أنتا كمان عرفت أتصل بينا على
زيرو أربع أصفار زيرو زيرو صفر
وأبقى قابلوني لو كسبتوا

ملحوظة : النهاردة عيد ميلاد زيكا ويا ريت كل اللي يخش يقوله كل سنة وأنتا طيب
وأنا من أول الناس دي

كل سنة وأنتا طيب يا زيكا وعقبال 100000 سنة

ماشى ياسيدى
طبعا فى الاول كل سنه وانت طيب يازيكا
وعقبال 10000000
سنه
والمشاكس هو الحل

عيد ميلاد سعيد ومشاكس هو الخاطف

ها فين الاجابه ؟

طبعا المشاكس هوا الحل دا حتى الحلقة دي سهلة جدا
وأنشاء الله في حلقة قريبة بس يعد الإمتحانات طبعا
ودعوتكم لينا
والسلام ختام

يارب يوفق الجميع
وخصوصا اللى فى ثانويه عامه

أولا السلام عليكم ويارب تكون الإمنحانات سهلة جدا مش زي عندنا كدا
وبتمنى لكم أجازة سعيدة ويارب كل واحد عايز يعمل حاجة في السنة دي تتحقق

الحلقة الرابعة

النهاردة حصلت حاجة غريبة جدا بعد لما كورومبو تعب من اللف والدوران على محل لعب اطقال
لقى المحل المناسب وراح ركن عربيته قدام المحل ولما اشترى اللعبة وطلع ملاقاش العربية بتعته وكان واقف قدام المحل 3 من اعضاء المنتدى :

ziks : كان واقف مستني الأتوبيس

المشاكس : كان بتمشى في الشارع شوية فقابل واحد صحبه ووقف يتكلم معاه شوية

tito : اللي كان واقف بيتفرج على غروب الشمس

ولما سألت التلاتة قالوا :

ziks : قال : لا أنا مشفتش عربيات ولا غيره أنا كنت مستني الأتوبيس ومش عارف هوا مش راضي يجي ليه

المشاكس : قال : عربية ايه اللي انتا بتتكلم عليها بس أنا كنت واقف مع واحد صاحبي ومشفتش أي عربيات

tito : قال : ولا شوفت اي عربيات انا كنت واقف بتفرج على غروب الشمس وبعدين ايه ياعني عربية مرسيدس اتسرقت مأنا عندي عربية 128 واتسرقت برضه بس الحمد لله لقيت واحدة أحسن منها

أنا عرفت مين اللي سرق العربية لو انتا كمان عرفت اتصل على زيرو أربع أصفار زيرو زيرو صفر

tito

tito

tito
وفرحنين اووى وانتى ياكيكى كاتبها بالبونط العريض ناص تحطى خط احمر تحتيها ولما اشوف يافروق انت وزيدان
اهم حاجه العربيه مرسيدس 2009 ولا كام
ههههههههههههههههههههههههههه

يا راجل عيب بقلك من 128 لحد مرسيدس كام يعني اكيد ابو جهل اللي كان راكبها

تعيش وتاخد غيرها هههههههههههههههههههههههههههه

ههههههههههههههههههههههههههه
اصلها لو 2009 انا مواقف انى اكون سرئتها
هههههههههههههههههههههههههههههه

سهلة جدااااااااااااااااااا ................ منتظر المزيد

عودة المعلم كورومبو

المعلم كورومبو كان مخطوف وبفضل زكاؤه المتناهي عرف يهرب من العصابة المهم النهاردة حصلت حاجة غريبة جدا بعد ما المعلم كورومبو هرب وروح على البيت وخدله شاور راح الأكاديمية حصلت حاجة غريبة جدا!!!!!!!!!!
ZIKS كان قاعد في المدرج بيسمع اغاني بعد ما المحاضرة ما خلصت وكان معاه جاكيت سايبه جنبه علشان الجو كان حر شوية وكان معاه 3 من أعضاء المنتدى ؟؟!!!!

TITO: اللي كان لابس تي شيرت جديد وقاعد يتكلم في الموبايل
ZIDANE: اللي كان قاعد يكمل البحث اللي هايسلمه لدكتور المادة
المشاكس: اللي كان قاعد في ركن لوحده علشان كان برردان شوية

ZIKS نام على نفسه في المدرج وهو بيسمع الأغاني
ولما قام ملاقاش الجاكيت بتاعه جنبه
سألت التلاتة الموجودين حد فيهم شاف الجاكيت بتاع ZIKS قالو:

TITO: انا ما شوفتش حاجة انا كنت قاعد بعيد

ZIDANE: ما شوفتش أي حاجة أنا كنت بذاكر

المشاكس: ليه هوا الجو ساقعة ولا حاجة الجو زي الفل بس ايه رأيك في الحتة الجديدة دي؟

انا عرفت مين اللي سرق الجاكيت لو انتا كمان عرفت
رد وقول مين اللي سرق الجاكيت
وأبقى قابلني لو كسبت حاجة
وإلى اللقاء في حلقة جديدة
من حلقات المعلم كورومبو

اكيد يعنى

المسسسسسسساااككككش

لا بجد فكرة جااااااااااااامدة

احيك عليها

اعتقد ان الحل هو : المشاكس

وهنستني الحلقة الجديدة بفارغ الصبر

بيسبصثق

بسم الله الرحمن الرحيم

سوف يتم إن شاء الله كتابة حلقة جديدة من مسابقة المعلم كورومبوو بمعدل حلقة كل يومين
وشكرا لكم

ياااااريت والله
واحنا هنستني كل حلقاتك الجديدة يا معلم
Goo0goo

هههههههههههههههههههههههههه
احلى حاجه ابقى اقبلنى لو كسب حاجه ده
(اهم حاجه التى شرت كان ايه نظامه )
احم
اعتقد انو المشاكس

على باب البيت

النهاردة حصلت حاجة غريبة جدا
كنا النهاردة في البيت عند TITO بعد نهار طويل من اللف والدوران على شغل والحمد لله
المهم وأحنا داخلين البيت عنده طبعا من الزوق خلعنا الأحذية بره ولما جينا نمشي ملاقيناش الأحذية شكينا في 3 من أعضاء المنتدى :
1- ZIKS : اللي كان بيشحن الموبايل بتاعه
2- Crestiano Ronaldo : اللي كان بيتكلم في مشروع للمستقبل وكان بيتخيل بس ربنا يسهل
3- TITO : اللي كان بيتكلم مع Crestiano في المشروع

ولما سألت التلاتة قالوا :
ZIKS: انا ما شوفتش كوتشيات أنا روحت أملا ازازة المية من بره
Crestiano Ronaldo : وأنا هسرق الكوتشيات ليه أنا كنت بفكر في مشروع يارب يتحقق
TITO: ما تلعبوش في دماغي أنا كنت بفكر مع Crestiano في المشروع و ربنا يسهل

انا عرفت مين اللي سرق الأحذية
لو انتا كمان عرفت
رد وقول مين
اللي سرق
وإلى اللقاء وحلقة جديدة من حلقات المعلم كورومبو

اعتقد زيكا

اه اظن انه زيكااااا

Goo0goo