gharib لسه صغنطوط
عدد المشاركات : 21 تاريخ التسجيل : 05/06/2008
| موضوع: اسئلة رخمة .. واكيد بنسمعها !!! السبت مايو 02, 2009 3:43 pm | |
| فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس
خلـونـــا نشــوف أمثلة
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه
أظن ده مش وضع الرقص !!! واضح ان انا هنام ))
***********
انتم معزومين عند ناس ورحتو لبيتهم وأول ما فتحولكوا الباب يقول بنهم الصغير: انتوا جيتــواااااااااااااااا ؟ ( لا لسه ))
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه ))
***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء ))
*********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها و أسلقها ))
*********** ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب لاغنيّة ديه ولا ايه ؟ (( لاء.. طالبها اخنق على نفسي ))
*********** أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير ((أكيد يعني مش هيقولهم البقاء لله )) *********** المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين ((سبتيله ايه يقوله يارخمة ؟ ))
*********** والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟ (( يعني أساسي الواد لسه ما طلعلوش عرق الندالة علشان يقول لأ ))
للامانة منقول
| |
|
KIKI مدير عام المنتديات
عدد المشاركات : 3204 تاريخ الميلاد : 04/12/1992 العمر : 31 المزاج : عاااااااااااااااااالى جداااااااا تاريخ التسجيل : 21/07/2007
| موضوع: رد: اسئلة رخمة .. واكيد بنسمعها !!! الأحد مايو 03, 2009 5:48 pm | |
| ههههههههههه الموضوع دمه خفيف بس اعتقد مكانه فى الترفيهى مشكور | |
|
كل الحب والدلع دخل في المود
عدد المشاركات : 553 تاريخ الميلاد : 01/07/1989 العمر : 34 المزاج : دلع xدلع تاريخ التسجيل : 07/12/2008
| موضوع: رد: اسئلة رخمة .. واكيد بنسمعها !!! الجمعة مايو 08, 2009 12:23 am | |
| | |
|
tito دخل في المود
عدد المشاركات : 927 تاريخ الميلاد : 13/09/1991 العمر : 32 المزاج : فى التمـــــــــــــــــام والحمدلله تاريخ التسجيل : 19/08/2007
| موضوع: رد: اسئلة رخمة .. واكيد بنسمعها !!! الخميس مايو 28, 2009 11:54 pm | |
| مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء ))
هههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههه بتحصل على طول والموضوع هايل | |
|
gehad دخل في المود
عدد المشاركات : 426 تاريخ الميلاد : 02/11/1993 العمر : 30 المزاج : عاااااااااااااااادي تاريخ التسجيل : 17/07/2009
| موضوع: رد: اسئلة رخمة .. واكيد بنسمعها !!! السبت يوليو 18, 2009 2:42 am | |
| ههههههههههههههههههههه
الموضوع جامد اخر حاجة تسلم ايديك هنستني الجديد | |
|