واحد ساب خطيبته عشان مشتركة في منتدى !!!!!!!!

هذه القصة حقيقية و عايزة ارائكم كلكم ...
القصة:
في مرة واحدة كانت مشتركة في منتدى ما تحت اسم مستعار زي بقيت الناس ..وبعدين اتقدملها واحد و اتخطبوا و بعدين في يوم من الايام واحد بيقولوا عارف فلانة على منتدى كذا قاله اه قالوا دي اسمها فلانة على الحقيقة و كاتبة موضوع جميل جدا و صادف انها كانت نفس اسم خطيبته و بعدين راح دخل على المنتدى و هو كان مشترك فيه و ماكنش يعرف ان خطيبته مشتركة في نفس الموقع و دخل ولقى ان معلومات اللي مشتركة هيا نفسها تطابق معلومات خطيبته ...فراح و سألها هوا انتي مشتركة في موقع كذا تحت اسم فلانة ؟؟ ....قالتله اه ...قالها و مش قولتيلي ليه ؟؟؟ قالتله عادي مش جات فرصة يعني و بعدين فين المشكلة اللي انت زعلان اوي علشانها ....قالها يا استاذة انا ما احبش اللي هتكون زوجتي تكون بتتكلم مع الناس و بتشارك على منتديات و تختلط بالشباب و بنات مش تعرفهم انا اسف جدا انا مش هكمل معاكي....
قالتله مش انت مشترك في نفس الموقع ؟؟؟(هوا كان قالها )......
قالها ايوة مشترك....قالتله و بتختلط بشباب و بنات ما تعرفهومش و بتبادلهم الكلام..؟؟؟......قالها ايوة ....قالتله و اشمعنى انت تعمل كدة و انا لا ؟؟ ....مع ان انا مش بتكلم و لا برد الا في حدود الادب و المسموح بيه....قالها انا راجل و اعمل اللي انا عايزة لكن انتي بنت و مش من حقك تعملي كدة....
للاسف كتير بنسمع رجالة بيقولوا كدة ...... انا عايزة اسمع رايكم و تجاوبوني على السؤال ده....
هل ممكن تيسيب خطيبتك علشان هيا مشتركة في منتدى ما ؟؟ ...و لو الاجابة بايوة ليه تسيبها
بس كدة ياريت الاقي اراء من البنات والشباب

هههههههههههههههههههه مش اوى كده يا عم
هو حقه يمنعها عن انها تشارك فى المواقع الى زى دى بعد الجواز انما مش من حقه يسيبها علشان مشتركة وبعدين الصراحة هو عنده حق فى نقطة فى فرق بين الراجل والست فى حاجات كتير الراجل ممكن يعملها انما الست مش ينفع ده رأيى

لو البنت بتكتب وتشارك وترد بمنتهى الادب
ايه المانع ف كده .. كل شئ بحدود ومن غير الخروج عن المألوف شئ جميل
انا شايفه انه غلطان ف موقفه وتسرعه

شكرا ع موضوعك

شكراً على مروركم وردكم الكريم

اكيد غلط اللى هو عملة ممكن يطلب منها عدم المشاركة فى المنتديات مرة اخرى او دخول النت

لكن مش ينفصل عنها دة انسان مش واثق من نفسة

هل لو هى بتشتغل او فى الجامعة يتركها او يطلب منها انها مش تكمل دراستها

اضرب مثل بمنتدانا فهو يعج بالكثيرات و الكثيرات و كلهن أخوات محترمات و يتم النقاش فى أمور عديدة و الرد بيننا فى الكثير من المواضيع و تبادل الحوار من بداية المجاملة و الترحيب حتى النقاش فى أمور الحياة بمختلف مجالاتها فلا أجد تجاوز أو وصل حتى للخط الأحمر ، وثانيا أن تبادل الأراء فى المنتدى بين الشاب و الفتاة لا يمكن أن يتعدى طرح ألراء و كما قولتم فالبنت لها زملاء بالجامعة و بالعمل و تتناقش معهم بل أحياننا يتجاوزة حدود النقاش بالمواجهة حدود الأدب و هذا شيئ يتعلق بالبنت و درجة ألتزامها بدينها و تقاليدها و تربيتها فهنا لا تختلف البنت فى حوارها بالمنتدى عن حوارها المباشر مع زملائها .وأيضا يوجد بنات لا يعلمون استخدام النت وليست على خلاق فى تعاملها العام
أما أذا كانت مشاركاتها فى المنتديات سيئة السمعة و مشاركاتها تتعدى حدود الأدب هنا لنا وقفة معها لأنها تعدت حدود الأدب و التربية الصحيحة و نحكم عليها بأنها لا أخلاق لها و هذا سيكون بالتالى سلوكها العام .
أذن أشتراك البنت بالمنتديات ليس دليل على انفلاتها الأخلاقى بل بالعكس يبين مدى التزامها الدينى و الأخلاقى و نستطيع أن نحكم عليها الحكم الصحيح .من خلال تعاملها