ازاي تخلي الناس تحبك

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول .. وصلنا عشان يصحى مخضوض
لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل
فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر
وخليه ينط زى القرد أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخد وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى
كانت معايا والله واقلع الجذمة ودور فيها وفى الاخر طلعها من بوقك بعد مايكون
هو مات من الملل وقوله مش قولتلك

كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة

وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطهم
والــف شكر

بسيطه

وايش عرفك بكل ده ؟؟؟؟

لا حول ولا قوة الا بالله
هو ده موضوع من المواضيع اللى ااحنا مش هنرد عليكم
هو ده المفروض انك تكتب ازاى تجيب المرض للناس والشلل للاعضاء

ههههههههههههههههههه
لا بس الموضوع جامد يا روقا
هو ده اللي نفسي تعلق عليه وفكك منا بقي اووووك
يلا هنستني جديدك بس اللي من النوع ده

Goo0goo

افكر الأول
هههههههههههههههههههههههههههههه

ااااااااااااع انا حسيت بالرخامه من القرايه بس امال لو حد عمل كده فعل ده انا انزل من الميكروباص ههههههههه
بس جامد تسلم يا فاروق

شكرا ليكي
وكل سنة واتي طيبة

وانت بخيرررررررررر

شكرا ليك ورمضان كريم كفاية على الناس الصيام مع الحر دة
شكرا على الموضع بجد لو انا في مكانو كنت نزالت بدل الضغت والسكر دة

ههههههههههههههههه
متشكر على المرور وكل سنة وانتم طيبين