حكاية الاسفلت

موضوع: حكاية الاسفلت الإثنين أغسطس 06, 2007 1:00 pm

ممكن احكيلكم حدوتة ؟

كان مرة زمان واحد داخل انتخابات مجلس الادارة من نوعية انتخبونى و هابنى فى المركز مدرسة و مستوصف و معهد ازهرى و هاقضى ع الامية و البطالة و هاخللى المركز كله اسفلت و عشان تصدقونى يا اخوانى الناخبين ادى العربيات مليانة حجارة و خش بالرجالة يا فرج و ارمى الحجارة و افرد يا جدع يلا خللى الغلابة تمشى ع الاسفلت .

و فى يوم الانتخابات و بعد اخينا ما حاول يكسب بكل الطرق المشروعة و غير المشروعة

برضه اعضاء المركز لسه بخير و مش بتخدعهم المظاهر و كلام الانتخابات

و ظهر الحق و سقط اخينا فى الانتخابات سقوطا مستحقا و كان لازم يعاقب المركز على سقوطه

قام شايل ايده من قصة الاسفلت نهائيا و ظهر للجميع طبعا دماغه كان فيها ايه

الانتخابات كانت يوم الجمعة 29 / 6 زى ما كلنا عارفين

و فى يوم الاحد 8 / 7 مجلس الادارة الجديد استلم مهامه و كان اول اجتماع مجلس ادارة

و كان اول تحدى امام المجلس الجديد استكمال عملية سفلتة المركز

و من يومها الاتصالات شغالة مع حى حلوان و المهندس الفاضل اسماعيل نصر الدين اللى جاب بنفسه لودر عشان يحاول يصلح ما افسده الاخرون بالحجارة اللى اذت كتير من اعضاء المركز

و بعد اول اجتماع بخمستاشر يوم بالظبط يعنى الاثنين 23/7 كانت زيارة الاستاذ مصطفى بكرى عضو مجلس الشعب للمركز بناءا على دعوة رسمية من مجلس الادارة و من الوعود اللى اخدها مجلس الادارة على الاستاذ مصطفى بكرى انه يتمم عملية سفلتة المركز و للعلم ده مكانش الوعد الوحيد

يوم الاحد 5 / 8 كانت عربيات الاسفلت داخلة المركز و بدا التنفيذ

تعبتوا من قراءة الكلام ؟

الخلاصة ايه بقى ؟

لو كان لحد فضل فى حكاية الاسفلت بعد ربنا سبحانه و تعالى يبقى هؤلاء

الاستاذ / مصطفى بكرى

مجلس الادارة كاملا دون ذكر اسماء

المهندس / اسماعيل نصر الدين

اللى عايز يشكر يشكر ربنا ثم هؤلاء الافاضل

كلامى ده مش راى شخصى ده سرد حقائق

و للحديث بقية

كلام الملا صح جداااااااااااااااااا
والحقيقة الجنود المجهولين كتار
ياريت ناخد بالنا منهم يا جماعة
ومانسمعش كلام اى حد يقولنا انا عملت وانا سويت ؟؟
ملحوظة :
رحم الله امرىء عرف قدر نفسه

الناس و علاقتها بالشغل تلات انواع

1

ناس بتشتغل من غير ما تنتظر شكر من حد و دول بيبقوا شغالين لوجه الله

2

ناس بتشتغل عشان الناس تقول عليهم بتوع شغل و تشكرهم

3

ناس مش بتشتغل بس تملى يحسسوك انهم كل حاجة فى الدنيا

كل الشكر و التقدير للنوع الاول

و ربنا يوفق النوع التانى و يرزقه الاخلاص فى القول و العمل

و ربنا يهدى النوع التالت و يعرف ان الناس فاهمة كل حاجة

فعلا يا جماعه عربيات الاسفلت دخلت المركز امبارح الساعة 1 بليل

يعنى فى الغالب هنروح انهارده نلاقى المركز اتسفلت

مبروك ع الاسفلت

هو لسه ما صفرش affraid

واضح جدا ان الاخ الفاضل محمد بسيونى

قرا العنوان

و دخل كتب الرد بسرعة

ربنا يكرمه و يقرا الموضوع عشان يبعت الرد على الموضوع

مش الرد على العنوان

عفاريت الاسفلت .... ليتني اقصد الفيلم التليفزيوني الشهير ولكني اقصد عفاريت اسفلت مركزنا.. الحمد لله ان الاسفلت سيتم حيث اني كنت باقول هنقعد ازاي كده اربع سنين كمان بتهييالي لو اتعملت 100 انتخابات تاني الاشكال دول ( و خصوصا اللى غرق المركز حجارة و زلط و بعدين خلع و فى الاخر جاى يقول انا اللى عملت و سويت ) مش هينجحوا لان ملهومش مكان عندنا ............حاجة اخيرة ازاي يا ملا وانت مشرف عام المنتدي وعارف حقيقة المواطن والمخبر والحرامي وتكتب الاهداءات دي في المنتدي ؟؟؟؟؟؟

لهشام و لكل اعضاء المنتدى

مش انا يا جماعة اللى باكتب الاهداءات

اللى مسئول عن الاهداءات اتنين

الاستاذ / مجدى البندارى

الاستاذة / شيرين محمد

و انا مش من حقى اكتب اهداء باسم 72 عضو فى المنتدى

و اللى عنده كلمة بلاش يقولهالى و يتفضل يقولها للمسئولين

ارجو ان يكون الموضوع واضح كدة

ألف مبروك للمركز ودة خبر سعدنى كثير

بعد صراع طويل بين نفوس ما وأحنا بالفعل كنا بندفع التمن

لما أترمت الحجارة وأتاذيت الناس كثير والاطفال كل واحد قال يالة نفسى

اللى موفقش فى الانتخابات وقف كل أحلامة وأحلام الاعضاء

وضرب بعرض الحائط ووصلت للعناد

لكن بفضل الله أولا وفضل كل واحد حتى لو ساعد بمجرد فكرة وتشجيع

كل شئ بيبتدى بفكرة وبمجهود ذاتى وبراس مال وتنفيذ كل اللى ساعدوة فى هذا نشكرهم جميعا

نشكر أولا ألاستاذ الصحفى مصطفى بكرى والاستاذ أسماعيل نصر الدين

والمقاولون ومجلس الادارة ولا ننسى أعضاء المركز ولو ساهمو بافكارهم كان دورهم كبير ووصل صوتهم لما أعترضوا على وجود الحجارة والحمد لله صوتنا

وصل للمسئولين لما المركز اسفلت بردك مأزال فى صراع كل واحد يقول دى فكرتى لا دة تنفيذى ولما الحجارة كانت موجودة كل شال ايدة وكل واحد بعد وتم بحمد الله تسفيل المركز ومبروك للجميع عقبال الانجازات الاخرى ودى أول خطوة جيدة فى حق المركز اتمنى انى مكنش ظلمت حد ولو مذكرتش اسماء

Admin عدد المشاركات : 411 تاريخ التسجيل : 16/07/2007

أنا أسف

أنا فعلا المسئول الآول والاخير عن كتابة الآهداءات والتهانى فى الصفحة الرئيسية

ودايما بأكتب بناء على معلومات من الاستاذة شيرين محمد

واللى مفروض انها عضو مجلس الادالارة

أنا شخصيا مش من المركز

وبصراحة ماأعرفش مين ليه الفضل فى عملية الاسفلت

علشان كدة فى الاجتماع القادم أن شاء الله سيتم تحديد جهة واحدة للمعلومات

وأعتقد انها ستكون من الاستاذ / احمد الملا

بأتسف مرة أخرى

المهم ان الحمد لله المركز اتسفلت ودى دفعة جديدة لاننا نحقق كل أمانينا فى المركز ويارب نقضى على كل الإفسادات اللى فى المركز بقى

BaroOo كتب:: المهم ان الحمد لله المركز اتسفلت ودى دفعة جديدة لاننا نحقق كل أمانينا فى المركز ويارب نقضى على كل الإفسادات اللى فى المركز بقى

فعلا الجملة دى لخصت كل اللى كان نفسى اقوله النهاردة

سامحونى يا جماعة لو كنت فى كلامى تجاوزت فى بعض الالفاظ شوية

بس و الله انا حتى فى بداية الموضوع خالص كنت باحاول انى اسرد الحقائق

و كل واحد قرا كلامى حر فى وجهة نظره

انا مش عاوز حد يغير رايه فى حد بسبب كلامى

انا حطيت قدامكم الحقائق و الاحداث بصفتى من اكتر اعضاء المنتدى تواجدا فى المركز

انا قلت من اكتر مقولتش اكتر

و فعلا مبروك علينا الاسفلت

مبروك علينا كل حاجة حلوة حصلت و بتحصل و هتحصل باذن الله

كلمة اخيرة لكل حبايبى فى المنتدى

يا ريت كلنا نشارك فى التغيير اللى بيحصل فى المركز بتاعنا و لو بكلمة

ساعتها بس

هنحس بطعم التغيير و الفرحة و الانجاز اكتر و اكتر و اكتر

ياريت يا احمد فعلا كلنا نشارك علشان نحس بطعم التغيير وشكرا على موضوعك الجميل

زائر

مش مهم مين المهم انه اتسفلت

ياجماعة المهم ان المركز اتسفلت

زائر

ياجماعا انا احب اعرفكم انا مش بنسب الموضوع لحد بس انا من المجلس وعارفة كويس مين الة عمل وبشكرو ومش ححت اسماء على شان محدش يزعل منى انا عارفة الكلام الة بيتقال دلوقت بس انا بقول لكم مبروك على السفلتة وعقبال المركز كلو وياريت الموضوع دة بلاش كلام فية كتير على شان محدش يزعل من حد خلاص المشكلة اتحالت خلاص يعنى ياريت نفكر في السلبيات الة في المركز على شان نحلها مش نعد نكلم في حاجة خلا اتعاملت والف مبروك للمركز وانا يهمنى في الاول والاخر ان المركز يكون على احسن حال ويكون احسن من مركز تانية كتير والسلام ختام

فعلا زى فى ناس تانية ليها الفضل

فى تسفيل الشارع واكيد انتم عرفين مين بدون ذكر اسمائهم وهما اللى ليهم الفضل الاول لتوصيل صوتنا لاستاذ مصطفى بكرى رغم النزاع بردك مننساش احنا محدش لية جمايل عندنا

الراى لا يفسد فى الود قضية والحمد لله ومبروك علينا نشوف بقة الباقى

طبعااااااااااااااااااا

و ده شكر منى لكل الناس التانية

لان لولاهم مكانش ابن الكابتن هشام البدرى اللى عنده 5 سنوات دراعه اتكسر

و لا كان الكابتن حمدى دسوقى رجله تتلوح زى العشرات من اعضاء المركز

و لا كان حد دعا على اللى اتسبب فى اذى الناس 35 يوم

و لا كان حد دعا للى صلح الغلطة و كمل الاسفلت للنهاية

كل الشكر و التقدير للناس التانية

اللى ادوا فرصة و اختبار حقيقى للمجلس الجديد انه يثبت انه قد المسؤلية

كل الشكر و التقدير للناس التانية

اللى قالو يوم الانتخابات بعد ما عرفو النتيجة بالحرف الواحد

خليهم بقى يكملو الاسفلت و يورونى هيعملو ايه

كل الشكر و التقدير للناس التانية

اللى ورونا بجد درس عملى فى كيفية

الاصلاح و التطوير

كل الشكر لمن كشف نفسه قبل مايدى فرصة للحياة انها تكشفه ..
وكل الشكر لمن كشف لنا حقائق الاخرون ..
وكل الشكر لمن اخرج نفسه من حياتنا ...لانها لا تتسع له

الحمد لله اولاً

شكر خاص لكل اعضاء مجلس الاداره

وربنا يعنهم على المشوار الطويل اللى لسه قدمهم

وانشاء الله ربنا يعنهم

سبحان الله
و كأن الناس التانية مصرة على اننا نعرفهم اكتر يوم بعد يوم
فاكرين الراجل اللى خكيتلكم عنه فى بداية الموضوع ؟
بتاع الاصلاح و التطوير
عارفين ايه اخر حاجة عملها عشان يصلح و يطور ؟
طبع الصفحة الرئيسية بتاعت المنتدى امبارح
و اخدها و جرى على أ / مصطفى بكرى عضو مجلس الشعب و قال له :
شايف اخرتها يا ريس ؟ عملت لهم الاسفلت و مش جايبين سيرتك فى الموقع بتاعهم و شاكرين مجلس الادارة و طنشوك و ادى صورة الموقع بتاع المركز و عليه اسم شيرين محمد عضو مجلس الادارة كمان عشان تصدقنى
الواقعة حصلت امبارح
و سايب لكم حرية التعبير عن التصرف اللذيذ ده
و للعلم
اللى عاوز يتاكد من انى مش باتجنى على حد و اللى عاوز يعرف اكتر و اكتر
يستفسر من اعضاء مجلس الادارة الموقرين
ا / محمد الجزار & ا / احمد عاصم
و كمان مدير المركز ا / ياسر رضا
او اختصروا الطريق و اسالوا الاستاذ / مصطفى بكرى على طول

كلامى انتهى

و الى لقاء اخر مع بتوع

الاصلاح و التطوير

Admin عدد المشاركات : 411 تاريخ التسجيل : 16/07/2007

نفسى أعلق

ونفسى أقول كلام كتير

بس ياخسارة

مش من حقى

انا كنت ماشى فى المركز .. واتكعبلت فى الطوب بتاع المركز ..
ازاى اتكعبل فى طوب وانا ماشى فى المركز ..فانا استغربت !!!!

ولما المركز اتسفلت ..ولقيت ناس بتقول انها سفلتت المركز مع انهم مالهمش علاقة بالموضوع ..انا استغربت !!!

Admin عدد المشاركات : 411 تاريخ التسجيل : 16/07/2007

على العموم ياريت ننهى الموضوع دة

وتتكلموا فى موضوع تانى

مثلا ملعب كرة القدم

أو الحمام

أو تجهيز المسرح

أو تجهيز قاعة للحفلات والافراح

الحمد لله رب العالمين

بالنسبة لى الموضوع انتهى

و ارجو انى اكون اديت لكل واحد حقه

و يا رب متحصلش حاجة تانية

تخلينى اضظر اكتب تانى

يا رب ميكونش فيه حد فى المنتدى زعلان منى

و الى لقاء

ملحوظة هامة

يا استاذ مجدى حضرتك دلوقتى شئت ام ابيت واحد من العائلة

ليك كل الحقوق

زى ما عليك بعض الواجبات

حضرتك اذا ماكنتش عضو فى المركز

فانت اللى اسست اول منتدى باسم المركز

و اوعى تقول كدة تانى يا ريس