انس انى لك حبيبة

انس انى لك حبيبة
اعتبرنى لك صديقة
اعتبرنى اى حاجة
بس قولى على الحقيقة
قولى مين نساك مشاعرك
قولى مين حاول يفرق
ولو حاولت اسال عينيك
لية بتهرب من عينية
قولى بس احكى لمين
ولو حكيت ابداء منين
والدموع تسال عينيك
بس مين نساك مشاعرك
لية بتطلب النهاية
واحنا لسة فى البداية
انس انى لك حبيبة
اعتبرنى لك صديقة
اعتبرنى اى حاجة
بس قولى على الحقيقة

قولى ليه نسيت ملامحى ..
كنت درعى وكنت رمحى ..
كنت لما تشوف دموعى ...
تقول ..حياتى فداكى ..سامحى ..

ليه بتنحت عالصخور حرفين وسهم ؟!!..
ولا شايف كل حاجة بقت ذكرى ..ووهم..
ولا فاكر ان كل من جفف دموعى ...
بقى فى الدنيادى شهم !!

نسرين خاطرتك فيها احساسيس وكلمات معبرة بجد
شكرا ليكى

ليه كل حاجة بقت كلام

ليه بتقتل الاحلام

ليه بتقسى ليه بتنسى

اى معنى للغرام

رد قوللى ع الحقيقة

معلش اتعب كام دقيقة

صعب جدا تبقى دى

نهاية القصة البريئة

انسى انى اكون حبيبة

انسى انى اكون قريبة

ممكن صداقة تبقى حب

لكن العكس غريبة

اعتبرنى كنت ذكرى ..
حاجة خدت منها خبرة ..
ليه بتكتب فى النهاية ..
ياما كنت بقلبى صابرة ..

لما حبيتك بروحى ..
كنت بتزود جروحى ..
بكرة لما تشوف عذابى ..
تيجى وتقول ..لا تروحى ..

ليه بتهرب من عينيا ..
كنت ليه بترسم عليا ..
ولا بتحاول تقولى ..
ان مشاعرك هيا هيا ..

كنا زي عصفورين

طاروا رجعوا شبعانين

كانت الذكرى جميلة

فاتوا مروا كاليومين

أما دلوقتي فعارف

كل واحد فينا شايف

أصل وفصل الحكاية

بعد مصمصة الشفايف

الحكاية ان حبك

ماكنش ليا كان لنفسك

لكن أنا وفي النهاية

شفت فيك غرور قلبك

كويس بقيتو ثلاث والسلام جتام