عمود النور

اسمحولى فى كلمتين بين السطور

اوصف اللى مالى حياتنا جمال و نور

اغنى للخير و الاصالة

و ابعت تحية .... لعمود النور

يا للى بنورك طمنت ناس مالهاش عدد

و تحتك يا ما ذاكر الطالب و اجتهد

و مشيت قدامك تتمايل الصبية

عشان تتعاكس من الف ولد و ولد

يا ما كنت تقيل على قلب الف خسيس

يا ما حاولو كسرك و تخريب الفوانيس

اصل الظلمة برضه ليها عوزة اكيد

عند اللى بيقفش قبل اما ييجى بوليس

ياعمود وفارش فى الطريق نورك..
تيجى الحبايب ..تمسى وتزورك ..
ولما احب فى يوم امسى عليك..
اخد شاكوكش واضرب فى طرطورك..

ياعمود وباصص فى السما قولى ..
ليه يابن سلكى ..مش راضى تنزلى ..
دانت زمان كان اقصى احلامك ..
تنور فى بيتى ان شالله لو ميللى ..

اه يا عمود فى السما عالى ..
عاملى فيها خلاص بقيت والى ..
وانت اللى كنت فى يوم صفيح خردة ..
وكهربوك بفيت مللالى ..

ملحوظة : مللالى جمع (ملا )