انا فيلى دليلى !!

انا فيلى دليلى ووزنه تقيل..
دايما بيكوش عالمحاصيل..
جايبه من الهند بدون كتالوج ..
ماشي انا وهو تقول مساطيل!!..


انا فيلى دليلى وليه حكايات ..
من عصر عمر بيه والباشوات..
وسالته سؤال ياما حيرنى ..
فى الغابة يا فيل فيه منتديات ؟؟!!


دايما يضحك ويقولى حرام ..
بتفكر غابتى اى كلام ؟؟
دانا هندى ولا تلاقى كده عندى ..
حذف لمواضيع وحوار افلام..


آه يا فيلى ليه هنا ظالمينك ؟؟
ليه دايما يا جميل حرمينك ؟!!
ماتخافش كده واتقل حبة ..
ديه فران ..وماتطولش جبينك !!

ياللى ظلمتو المنتديات

و قولتو يا ما كتير حكايات

خليتو المعزة بتكاكى

و الفيل بقى قطة بشنبات

كان ماله بس الفيل ده و مالكم

سيبوه فى حاله و انتو فى حالكم

ولا انتو بس شداد ع الطيب

و لو اسد .... بتربو عيالكم

يا فيل يا صاحبى و لا تعبر

ده كلام فى منتدى مش اكتر

لو ثبتوا موضوع او قفلوه

عمر اللى بينا ما يتاثر

آه يا فيل مسطول بس عاجبنى ..
دايما بجماله مدوبنى ..
وانا مهما ابعد ولا افلق..
شوقى لدماغه بيجيبنى ..

انا لفيت ياما بلاد وبحور ..
والمنتديات داير مايدور ..
ولاعمرى لمحت ولو مرة ..
فى المنتديات عفاريت وبخور ..

انا عقلى هايطير من راسى ..
اه يافيل .. ادينى كراسى ..
مش لاقى كلمة اعبر بيها ..
ياما قولت الافيال حراسى ..

هاتلى الموضوع المتعفرت ..
خلينا نشوف ليه متكحرت ..
ولا خلاص كده مش عاجبينه..
لو داسك فيلى ..هاتتخرط !!

دانا فيلى عسول وتخين ..
وتشوفه كده ماشى تقول تنين !!
واما حكيتله قالى اسمعنى ..
فى المنتدى بطيخ ..عالسكين !!

الفيل سديكى سديكى الفيل

ديله قصير خرطومه طويل

رغم الضخامة و العملقة

عمره ما كان كدة دمه تقيل

ودانه الكبيرة بتسمعنا

ظهره عريض قوى بيساعنا

دايما حنين قلبه كبير

و كل كلامه له معنى

فيلنا يا اجمل فيل فى الغابة

لا اسود ولا تعالب و ديابة

فيلنا اصيل طيب و جميل

و فتوة للناس الغلابة

يا فيل فلافل و مفلفل

تغضب كدة ليه و تقفل

فى موضوعاتنا و حوارتنا

عمرك ما كنت بتطفل