لكل حبايبى

لكل حبايبى فى المنتدى
تحية طيبة و بعد
عدا شهر من عمر المنتدى اتعرفنا فيه على ناس حلوة
كسبنا اصدقاء جدد و عرفنا بعض و قربنا من بعض
بس ساعات بتحصل ظروف و تغيرات بتخللى الواحد ياخد قرارات مفاجئة
باختصار يا جماعة انا قررت انى اسيب منصب مشرف عام المنتديات
و برضه هاسيب الاشراف على كل الاقسام اللى انا فيها
مش هاتكلم عن اسباب و ادخلكم فى متاهات
انا بس بارجو انكم تقبلونى عضو عادى بينكم
ده بعد اذن ادمن المنتدى طبعا
و لو عنده مانع كمان انا ممكن اسيب المنتدى كله خالص
تحياتى للجميع
و الى لقاء

فى البداية انا باشكر كل حبايبى اعضاء المنتدى اللى تكرموا بالرد

و باشكر اكتر كل حبايبى اللى واثقين فيا كويس حتى من غير ما يعرفوا التفاصيل

بصراحة

انا لما قلت انى مش هاتكلم عن التفاصيل كنت فاكر انى كدة باريح دماغى

اكتشفت انى كدة بادى الفرصة لاى حد انه يخش و يكتب اى حاجة

و هو اساسا ميعرفش حاجة عن اى حاجة

و كبرت دماغى و سافرت يومين و رجعت دخلت لقيت كلام يفطس من الضحك

أنا شخصيا مش هرد على أى حد

الحالة الوحيدة اللى ممكن أرد فيها فى المركز

وبحضور الناس كلها

واللى يهرب ومايحضرش من المناقشة العلانية

يبقى ماعندهوش الشجاعة

بأتمنى أى حد فى المنتدى يواجهنى شخصيا

والله يا مدحت عندك حق وياريت العيز يعمل مشاكل يعملها بعيد عنا

احنا بنشارك في المنتدي عشان نكتسب ناس محترمة واصدقاء جديدة محترمة

وياريت تبعدو المنتدي عن مشاكلكم الشخصية والسلام ختام

الخلافات الشخصية تبقى بعيد عن المنتدى وادارة المنتدى لازم تبقى متمسكة بالادارة

مش كل شوية يبقى فى اجتماع لتغير الادارة أعتقد ان كدة تبقى ادارة هشة

مع احترامى لجميع افراد الخناقة

هو انا اساسا بينى و بين الاستاذ مجدى ايه شخصى اساسا عشان يبقى فيه خلافات شخصية ؟

بقى انا لما اخد موقف عشان حاجة غلط حصلت فى المنتدى يبقى خلافات شخصية ؟

لما حد يغلط فى حد فى المنتدى و اتدخل يبقى خلافات شخصية ؟

هو انا لما اقول انى باعتذر عن الاشراف يبقى خلافات شخصية ؟

و بعدين هو المفروض مين اللى يهرب و يخاف من المواجهة ؟ الجانى ولا المجنى عليه ؟

اوكى يا جماعة

بعد كدة لو شفنا خناقة فى المنتدى زى ما مدحت بيقول نسيبها

و لو حد غلط فى حد محترم زى ما شيرين بتقول فى المنتدى لازم نسيبه

اى غلط او اساءة لاصغر عضو فى المنتدى اساءة لينا كلنا

اى انتهاك لاى حق لاصغر عضو فى المنتدى انتهاك لحقوقنا كلنا

لو وقفت تتفرج دلوقتى هييجى دورك و كلنا هنتفجر عليك و انت لوحدك

كام سؤال ابسط من بعض بس لكل اللى بيقول انا باحب المنتدى و خايف عليه

كنت فين لما كان مجلس الادارة عامل مشكلة على المنتدى ؟

كنت فين ساعة لما اتعملت يافطة دعاية للمنتدى فى قلب المركز ؟

انت اساسا جبت كام عضو جديد للمنتدى ؟

و يا ريت واحد واحد كدة يقوللى هو عمل ايه اساسا ولا دفع كام عشان المنتدى

انا مش باهاجم حد و لا باحب الهجوم على حد

بس ده مش معناه انى باسكت لو حد هاجمنى

تحياتى و الى لقاء