يا جماعه!!!!!!

[size=24]

يا جماعه بما انى من الطلائع فاانا كمان بخاف على مستوها
ممكن حد يقولى احنا عملنا قسم ليه للطلائع؟؟؟؟؟؟؟؟
كل فين وفين بنضع موضوع المفروض ان المشرف يضع موضوعات عالطول
تجذب المشتركين فى المنتدى وتعرفهم بينا ................
ياريت محدش يزعل من كلامى (واضح) ده كله فى خدمه الطلائع
الطلائع وبس ...................

[/size]

شكرا يا رحاب على مشاعرك الطيبة ناحية فريقك
بس يا رحاب مش المفروض ان المشرف هوا اللى شرط يعمل المواضيع..انتى بتكتبى مواضيع تانية ماشاء الله فى اقسام تانية..
فين اهتمامك بقسم الطلائع ؟؟؟؟
اقتراحاتك
كلامك عن النشاط
دا كله فين
قسم الطلائع للاعضاء ..مش المشرفين
شكرا

ماشى بس اكيد المشرف بيكون ليه وجهه نظر ازاى يجذب الاعضاء سوا من الطلائع او غير الطلائع........
ولو حضرتك بدات احنا هاتلقينا ورائك
واظن انى قولت لحضرتك فكره وحضرتك ما اديتنى رد واضح غير انى ....
ومش لقى وقت ل........

انا رأىى انه لازمخ كل واحد يشارك مش نقول يا مشرف لازم الاعضاء هى الى تعمل شغل مش المشرف المشرف بيشرف مش بينشأ (احنا اى خدمة يا باشا)

واضح ان فى ناس افتكرت انى بتخانق ده موضوع
وبصراحه الكل لازم يشتغل
من اول المشرف لغيت الاعضاء (مش قصدى ان المشرف مش بيشتغل او الاعضاء احترامى للجميع ).........
بس لازم يكون فى هناك قدوه واظن انى اشرت لكده قبل كده .....
مش عايزين ناخد اننا بنتخانق لا احنا بنتناقش وكله فى خدمه الطلائع
واللى شايف غير كده يقولى وجهه نظره (اسفه على الاطاله )

الحقيقة احنا لازم ندى كل حاجة حقها يا رحاب ..
يمكن مابتاخديش بالك من اللى انا بعمله فى المنتدى من تنسيق للمواضيع عشان تظهر بشكل جيد ..
وكمان يمكن ما بتاخديش بالك من انى مش عاوز احط اطار للمنتدى دا ..دا بتاعكم انتوا ..ولما بيكون فيه حدث مهم بنزله ..لكن الباقى اكيد لازم يكون دوركم انتوا ..
مش شرط المشرف يكتب عشان كلنا نبقى وراه ...احنا بشر ولينا مخ مش **** عشان حد يسوقنا !!!
ياريت اشوف مشاركاتك على منتدى الطلائع زى مانا شايفها منورة باقى المنتديات

يا جماعه ياريت اشوف مشاركاتك على منتدى الطلائع زى مانا شايفها منورة باقى المنتدياتماانا لو كنت عارفه ايه اللى ممكن اعملوه كموضوع للطلائع مكنتش سالت
واظن السؤال مش عيب ...........
وعلى فكره انا ليا مخ وزى ما ليا مخ ليا قدوه حبيت انها ترشيدنى بس الواضح انها اتكلمت عن حاجات مكنتش بسال عليها اصلا وعلشان كده انا هبقى اكتب مواضيع وياريت كل الاعضاء فى الطلائع نشوف شغلهم بقى ......

بس بصراحه مش عرفه انا هكتب عن ايه ؟؟؟؟؟؟؟؟؟
بس ان شاء الله هاكتب مقال كويس عن النشاط ............
وياريت كل الاعضاء يقراوا

مش عيب انك تغلطى ..اكتبى واحنا نقرا ونقول راينا ..
شكرا

طيب انتظرونى قريبا فى (طلائعكو) وده مقال هيعرف الاعضاء بالطلائع

ربنا يستر وما يطلعش (طرائعكو)
هههههههههه
فى انتظارك

في انتظارك ياقمر

مش لذيذ

شكرا على ردك

انا اعد مستنية اول موضوع منك علي الطلائع بس اوعي تتاخري يالا ورينا همتك احنا وراكي واول موضوع يعجبنا هنرد عليكي يا نوارة المنتدي


والسلام ختام

السلام عليكم

والله أنا عايز أقول حاجة ودي طبعا وجهة نظر شخصية ممكن تاخدوا بيها (أفراد الطلائع) وممكن لأ الموضوع في إيديكو

منتدى الطلائع ده المفروض يكون فيه أولا كل حاجة عن الطلائع من انجازات تمت خلال الفترة اللي فاتت(زي ما قلتي يارحاب ان انتي استفدتي من الأنشطة بتاعت الصيف) يبقى نعرضها للناس كلها
ثانيا يكون في اقتراحات لتطوير نشاط الطلايع زي مانتو تحبوا يعني مثلا يبقى في مجلة شهرية بإسم الطلايع تتعمل وتتوزع في المركز كله
مثلا يبقى في يوم كامل من أوله لآخره على مستوى المركز تقوم فيه الطلايع بفقرات ومسابقات لكل أعضاء المركز وتحت مسئوليتكم انتو طبعا وانتو اللى تنفذوه
ثالثا يكون فيه مثلا حاجة للطلايع تبقى زاد ليهم في حياتهم يعني مثلا ان انتو تتفقوا ان أفراد الطلايع كلها لازم تكون عند مستوى ثقافة معين متقلش عنه وأنا عارف حاجة وانت عارف حاجة وكل واحد عارف حاجة يقولها للباقي في محاضرة مثلا أو في دورة حسب حجم المعلومة اللى هانتعلمها سوا بحيث أي فرد من الطلايع يكون قادر على مواجهة أي شخص بالأدب طبعا (وكلكم مؤدبين أنا عارف) عايز يعرف حاجة عن الطلايع أو يقدروا يتكلموا في المواضيع العامة اللى بتطرح على المنتدى أو في أي حتة تانية
وطبعا ما ننساش الثقافة الدينية اللى لازم كلنا نبقى على دراية بيها سواء مع بعضينا أو نجيب حد من بره عنده معلومة يقولهالنا

وعلى فكرة مش شرط ان انا اتعلم من حد أكبر مني لأن ربنا إدى كل واحد فينا ميزة مش موجودة في الناس التانية عشان كده زي مانا هاتعلم من حد أكبر مني أكيد هو برده هايتعلم مني حتى ولو معلومة صغيرة

يعني وده برده مجرد وجهة نظر

وشكرا لحسن الإستماع

انا متشكره على الردود
وبجد ان شاء الله نكون تحت حسن رايكم
وفى موضوع جديد نازل يارب يعجبكم ان شاء الله