خبر جديد لسه فى السلوفانة

تعلن الطلائع عن معسكر رمضانى فى الشهر الكريم الى جاى وهو هيكون عبارة عن يوم واحد بس من اوله لاخره (يعنى هيبئى طحن) والافطار هيكون فى النادى وهيكون فيه لعب و يمكن مسابقات و احتمال يكون فيه حفلة سمر وان شاء الله لو الموضوع عجبنا هيحصل مرتين فى الشهر الكريم وان شاء الله نوصلكم اخبارنا و انجازتنا اول بأول وشكرا على قراءة الموضوع ونتمنى ليكم شهر سعيد ان شاء الله

رمضان كريم وكل طلائع وانتوا بخير

ايوه احنا عملنا كده قبل كده
والفطار الجماعى بيكون له طعم خاص جدا جدا
دا غير اننا بنعمل كل حاجه مع بعض من اول وضع الطعام
لغايت لم السفره كلنا (صبيان قبل البنات)بنعمل كده
ويارب يكون شهر كريم علينا وعليكم

انت تشرفنا يا استاذ احمد الملا كفاية انك هتجيب الفطار كله معاك يا سلام بس ما تنساش البيبسى عايزين حوالى صندوقين كده اوك

بما ان الجميع موافق ان الاستاذ / احمد الملا هوا اللى هايجيب الفطار..بس بجد انا ماكنتش عاوز كده ..
ليه دايما تحرجونى يا ولاد ..يالهوى عليكوا
طيب طيب خلاص ماتزنوش ...جييييييب انت يا ملا الفطار ييييييييييييييالا
زىىىىىىىىىىى بعضه ...وابقى تعالى اقعد كمان معانا يا عم ..مش هانزعلك
وعالعموم احنا مستعدين للمية الساقعة ..مافيش مانع ولو ان تلاجة الجيران بايظة !!

هههههههههه
واحنا موفقين

هههههههههه
لا احنا بنشرب ميه معدنيه
الكابتن عودنا على كده

يا ولاد قولنا بلاش نذيع اسرارنا للغير
احنا ناقصين بقى كل مايحبوا يشربوا ييجوا يشربوا من عندنا
يلا زى بعضه المرادى
ماشى اما نشوف اخرتها !!

اوك خلاص الاستاذ احمد الملا هيفطرنا والله الدنيا لسه فيها خير بس نراجع اللستة مع بعض


يا استاذ انت لازم تجيب\\\\\\

3 صناديق بيبسى ((كانز))
4 صوانى مكرونة
6كيلو لحمة
9 فرخات
7سيفيز رز كبير
وهو مش هايجيب كل حاجة كل واحد ليه دور كل واحد هيجيب بعضه ويجيى وكابتن احمد زكريا هيجيب الميه يلا وان شاء الله محد حوش

بس اللسته ناقصه
فين الفاكهه،الكنافه،القطايف،الكلاش،والعصير غير البيبسى

انا شايف انه طالما الموضوع تعاونى
يبقى مافيش مانع أ/ أحمد الملا روحى وحياتى يجيب كل مايطلق عليه لقب ( مأكولات )
وانا مستعد اجيب كل مايطلق عليه لقب ( مشروبات ) لكنها دون طعم او رائحة !!

ههههههههههه والله عسل يا استاذ احمد الملا لا متخافش ده الى هياكله كل اعضاء الطلائع

ايوه
وبكده محدش من الطلائع يجيب حاجه

يجيب ايه احنا كده ومعانا الاستاذ احمد الملا ونجيب اكل ده حتى ميصحش

ياجماعة يا جماعة بجد الموضوع مش مستاهل كل دا ..احنا هانتعازم عاللى يجيب الاكل ؟؟!
انتوا بجد بتهرجوا !!!
الموضوع دا لازم نفصل فيه دلوقتى ..
خلاص خلاص كابتن احمد الملا يجيبلنا كل ما له رائحة شهية ويطلق عليه لقب ( غذاء ) ويمضغ بالاسنان مضغا
واحنا اعضاء فريق الطلائع هانجيب كل ما ليس له اى رائحة ويطلق عليه لقب ( مشروب) ويشرب فى الفم شربا
بسسسسسسس كده على الله بقى اسمع حد يتكلم تانى

ماشى واحنا موفقين

ان شاء اللة هجيب العصائر والمشروبات والكنافة والقطايف[url][/url]

اسمحولى بقى الاول طالما كابتن هانى عبد الله دخل اعرفكم بكابتن الطلائع اللى اتعلمنا على ايده معنى الطلائع زمان ..ونحييه اوى ونشكره انه دخل ينور صفحات منتدانا المتواضع
وياكابتن انت اصلا تنورنا وتشرفنا وماتجيبش حاجة بس ...تقعد تتفرج علينا ههههههههههههههههههههههههههههههههه
انت تشرفنا بجد يا كابتن من غير حاجة .. بس يعنى لو مصمصم هات اللى قولت عليه هههههههههههه
شكرا يا كابتن لمرورك

صح شكله مصمم
ايوه هو مصمم
ماااااااااااشى واحنا موفقين

لا لا لا لا انا هتوصى بليلة كلها انا هاجيب كل حاجة اول ما ربنا يفرجها ان شاء الله هجيب كل حاجة

ده حين ميصره بقى
ربنا يفرجها

والدخان بالمرة علشان نحبس
وباقى الحاجات الى تودينا التراويح مش شايفين حد!!!!!
الملا هيعرف يتصرف فيها ولا ندورعلى حد تانى زى عم دقرم بتاع الكابتشينو!!!!!!
احب اضيف حاجة مهمة جداً جداً جداً
رمضااااااااااااااااااااااااااااااااااان مش اكل وبس
ولا نوم علشان مش قادرين نستحمل العطش
ولا ضحك ولعب طول النهار انتو فاهمين غلط
اومال فين المقالب والبمب والخراطيش :bom: :bom: :bom:
واقلبوها فرح .........رمضان شهر من ضمن 12 شهر بس شهر طاعة
ماهو لو ماكانش كدة زمانى عامل دماغ ومريح نفسى

ياعم الكرف
ياريت تدخن بعيد عن هنا عشان دخانك عمانا بجد

صح
التدخين مضر بالصحه