اكيد فى حياتنا غلط (3)

[] اكيد فى حياتنا غلط
السهر
السهر كلمه ارتبطت عند الاطفال والشباب بالاجازه فعندما تبدا الاجازه يبدا معها السهر حتى 4/5 الفجر تانى يوم ومش كده وبس لاكمان ممكن الشخص يطبق ومعنى كلمه( يطبق)فى مصطلحات الشباب انه يفضل يومين او ثلاثه ايام مش بينام فيهم الا 4 ساعات مثلا وده غلط كبير .
انا شايفه حد هناك بيقول ليه ؟ انا اقولك ليه ............
حرام لان الله سبحانه وتعالى قال(وجعلنا الليل لباسا وجعلنا النهار معاشا)
يعنى ربنا خلق الليل علشان ننام فيه وممكن نصحى لقيام الليل وفى ناش بتشتغل فيه دى ظروف خاصه .
وربنا خلق النهار علشان اول ما الديك ياذن البشر يصحوا وكل واحد يسعى على رزقه .
وكمان انه كده بيرهق العين والجسم كله وعلشان كده نجد الانسان اللى بيسهر على النت والتلفزيون دائما فى حاله كسل وخمول لان الدراسات اثبتت لو واحد نام 6 ساعات فى الليل بيقوم نشيط وعايز يشتغل لان بالليل بيبقى فى سكون وسكوت ولو نام 6ساعات بالنهار بيقوم كسلان لانه نام والناس كلها صاحين وبيشتغلوا .
على فكره انا كتبت الموضوع ده لانى بدق ناقوس الخطر للاباء والامهات
مفيش حاجه اسمها يطبق ولا سهر للفجر .
وكمان كتبت الموضوع ده لانى شوفت اشخاص كده وهما اللى اوحولى انى اكتب فى الموضوع ده .
وياريت كلنا نبطل سهر وده فى سبيل صحتنا...........
وبكده نكون ناقشناظاهره جديده فى مجتمعنا
وفى المقالات القادمه سوف نوضح اخطاء
اخرى فى حياتنا..............
اخر كلامى سلامى بقلم :kiki

الغلط فى حياتنا لا يمكن عده الموضوع كله انه قبل ما تعمل حاجة فكر شوية ايه ضررها على صحتك وايه ضررها عليك انت شخصيا ممكن يكون ضرر دينى او صحى او مادى او او او او حاجت مش كتير بس مش قليلة الموضوع كله يتعلق بالتفكير واتمنى ليكم حياة فيها غلط قليل

السهر مش وحش اوى كدة
المهم انت بتسهر تعمل اه
بتتفرج على ....................
ولا بتتكلم على الشات مع...............
على فكره الصحابه كانو بيسهرو بس عشان يعبودو ربنا
وان احسن عباد عند ربنا انك تعبودو وكل الناس نيمين
بس ملحوظه
الصحابه عشان يعملو كدة
كانو بينامو من بعد صلاه العشاء
ويصحو فى منتصف الليل
ياترى احنا نقدر دلوقتى نعمل كدة
نقدر نستغل السهر لو هنسهر فى حاجه كويسه
ونقدر نظبط مواعيد نومنا
وعلى فكره انا اعرف ناس بتعمل كدة وربنا كرمهم اوى

ماشى ما انا قولت ممكن علشان قيام الليل

مش عارف احيى رحاب ازاى
بالنسبة للظاهرة بتاعت السهر اغلبنا متورط فيها
لكن الفرق دايما بيبقى انك بتسهر تعمل ايه؟؟؟
بالمناسبة
بالنسبة للناس الرياضيين وبالاخص الممارسين لرياضة كمال الاجسام وبناء العضلات ..
فى هرمون ضرورى جدا جدا جدا اسمه هرمون (GH) واللى هوا اختصار لعبارة ( GROWTH HERMONE ) الهرمون ده هوا اللى بيقوم ببناء العضلة ..وهوا بيتباع علشان الممارسين للعبة اللى مش بيقدروا يناموا كويس
المهم فى الموضوع ان الهرمون دا بيفرز اثناء فترات النوم العميق (فقط !)
وبالاخص فى الفترة من 12 وحتى 5 صباحا !!!!
استمرى يا رحاب مواضيعك هايلة

الموضوع 100/100 بس انا ها سهر برضو

[b